शनिवार साँझसम्म देशभरका कुन-कुन सडक अवरुद्ध छन् ? (सूचिसहित)

काठमाण्डौ । भारी, अति भारी वर्षापछि आएको बाढीपहिरोका कारण देशभरका मुख्य सडकखण्डहरु अवरुद्ध भएका छन् ।  

नेपाल प्रहरीले शनिवार साँझ ५ बजेसम्म अवरुद्ध अवस्थामा रहेका देशभरका मुख्य सडकखण्डहरुको ताजा विवरण सार्वजनिक गरेको छ । 

उसका अनुसार काठमाण्डौबाट धादिंग र मकवानपुर हुँदै बाहिरिने सवारी साधन अर्को आदेश नभएसम्मका लागि विभिन्न स्थानमा होल्ड गरिएको छ ।  

संखुवासभाको भोटखोला र मकालु गाउँपालिकामा पर्ने कोशी राजमार्ग क्रमशः जेठ र भदौदेखि नै अवरुद्ध अवस्थामा छ भने सिद्धिचरण लोकमार्ग अन्तर्गत ओखलढुंगाको भँडारे खोला खण्डमा बाढीका कारण आवागमन पूर्ण रुपमा ठप्प रहेको छ । 

बाढीपहिरोका कारण रसुवा, सिन्धुपाल्चोक, काभ्रेपलाञ्चोक, मकवानपुर, चितवन र ललितपुरका अन्य विभिन्न सडकखण्डमा पनि यातायात आवागमन प्रभावित भएको प्रहरीको भनाई छ ।