राष्ट्रिय योजना आयोगमा चार सदस्य नियुक्त

काठमाण्डौ । सरकारले राष्ट्रिय योजना आयोगमा चार सदस्य नियुक्त गरेको छ ।

बिहीबार बिहान सबेको मन्त्रिपरिषद बैठकले नयाँ सत्ता समीकरण बनेसँगै रिक्त रहेको योजना आयोगको ४ सदस्य पदमा नियुक्तिको निर्णय गरेको हो ।

सरकारले प्राध्यापक शिवराज अधिकारी, प्राध्यापक संगीता सिंह, डा. कुशरेन्द्रबहादुर महत र डा. अरनिको पाण्डेलाई राष्ट्रिय योजना आयोगका सदस्यमा नियुक्त गर्ने निर्णय गरेको सूचना तथा सञ्चारमन्त्री रेखा शर्माले जानकारी दिइन् ।

एमालेसहितको सहभागिता नयाँ सत्ता समीकरण बनेपछि राष्ट्रिय योजना आयोगका तत्कालीन सदस्यहरु डा. प्रभु बुढाथोकी, डा. आरपी बिच्छा, डा. अनिता शाह ढुंगाना र डा. जयकान्त राउतले राजीनामा दिएका थिए ।