‘आरविवि फोकस ४०’ को इकाई बाँडफाँड स्थगित

काठमाण्डौ । आरविवि म्युचुअल फण्ड अन्तर्गत सञ्चालन हुने आरविवि फोकस ४० योजनाको इकाई बाँडफाँड स्थगित भएको छ । 

राष्ट्रिय वाणिज्य बैंक कोष प्रवद्र्धक र आरविवि मर्चेन्ट बैंकिङ योजना व्यवस्थापक भई निष्कासन गरिएको कुल १० करोड इकाई भन्दा अधिक इकाईमा लगानीका लागि धितोपत्र बोर्डबाट स्वीकृत भएपश्चात मात्र थप इकाईसहित बाँडफाँड गर्नुपर्ने भएको हुँदा इकाई बाँडफाँड स्थगित गरिएको हो ।  

थप इकाई स्वीकृतीको प्रक्रियामा रहेको समेत बिक्रि प्रबन्धक आरविवि मर्चेन्ट बैंकिङले जनाएको छ । सो स्वीकृतीपश्चात उक्त इकाईहरुको बाँडफाँड गरिने समेत जनाइएको छ ।  

आरविवि फोकस ४० को इकाई बिक्री गत भदौ १५ गतेदेखि २४ गतेसम्म खुला गरिएको थियो ।