.gif)
(1).gif)
.png)
काठमाण्डौ । सेयर बजारलाई सम्भावनाको क्षेत्र भनिन्छ । सायद सेयर बजार एउटा मात्रै यस्तो क्षेत्र होला,जहाँ भाग्य चम्किन धेरै समय लाग्दैन । तर लगानीको सहि रणनीति नहुँदा रातारात सडकमा पुगेका उदाहरणहरु पनि प्रशस्तै छन् ।
तर जहाँ जोखिम धेरै हुन्छ,त्यहाँ रिर्टन पनि उच्च नै हुन्छ । केहि कम्पनीका स्टकहरुले लगानीकर्ताले नसोचेको प्रतिफल समेत दिने गरेका छन् । यसको उदाहरण भारतको सेयर बजारको एक कम्पनीलाई लिन सकिन्छ । भारतको सेयर बजारमा सूचीकृत कम्पनी एसीजी फिनसर्भले मात्रै ४ वर्षको अवधिमा आफ्ना लगानीकर्तालाई करोडपनि बनाएको छ ।
सन् १९९४ मा सुरुवात भएको यो कम्पनीले ब्रोकिङ,डिस्ट्रीब्युसन,लगानी लगायतका फण्ड म्यानेजमेन्ट,बैंकिङ र बीमा सेवा जस्ता क्षेत्रमा लगानी गर्ने गरेको छ । चार वर्ष अघि अर्थात सन् २०२० २७ मार्चमा यो कम्पनीको सेयरमूल्य प्रतिकित्ता २.८० रुपैयाँ भारु मात्रै थियो । कम्पनीको सेयरमूल्य मंगलबारसम्म आईपुग्दा प्रतिकित्ता ४३१.८० भारु पुगेको छ ।
.gif)
यो कम्पनीको बजार पूँजीकरण २ हजार २६० करोड भारु रहेको छ । २ रुपैयाँ भारुबाट ४३० भारुसम्मको यात्रा तय गर्ने क्रममा यो कम्पनीले ४ वर्षको अवधिमा आफना लगानीकर्तालाई १६ हजार प्रतिशत को जोडदार रिर्टन दिएको छ । यस हिसाबले यदि कुनै लगानीकर्ताले यो कम्पनीमा ४ वर्षअघि १ लाख लगानी गरेको भए,त्यो लगानी अहिले बढेर १.५ करो भारु पुगेको हुनेथियो ।
यो कम्पनीको ५२ साताको उच्च मूल्य प्रतिकित्ता ७४८ भारु रहेको छ भने न्यून मूल्य प्रतिकित्ता ३८४.९५ भारु छ । सन् २०१२ को अन्त्यतिर यो कम्पनीको सेयरमूल्यले उचाई लिन सुरु गरेको थियो ।
.gif)
.png)
(1)(1).jpg)
.jpg)
.gif)
