अष्ट्रेलियाका सर्वाधिक धनी व्यक्तिहरुको सूचीमा शेष घले र जमुना गुरुङ, कति छ सम्पत्ति ?

काठमाण्डौ । नेपाली मूलका शेष घले र जमुना गुरुङ सन् २०२६ मा पनि अष्ट्रेलियाका सर्वाधिक धनी व्यक्तिहरुको सूचीमा पर्न सफल भएका छन् ।  

द अष्ट्रेलियनले सार्वजनिक गरेको अष्ट्रेलियाका धनी र शीर्ष आम्दानी गर्ने व्यक्तिहरुको सूचीमा घले र गुरुङ पनि परेका हुन् । उनीहरु १५०औं र १५१औं स्थानमा रहेका छन् ।  

उनीहरू मेलबर्न इन्स्टिच्युट अफ टेक्नोलोजीका सह–संस्थापक हुन् । द अष्ट्रेलियनका अनुसार घले दम्पतीले संयुक्त रूपमा १ अर्ब २१ करोड डलर सम्पत्ति जोडेका छन् ।

सन् २००९ मा पहिलोपटक शीर्ष २५० धनीहरूको सूचीमा प्रवेश गरेका उनीहरु लगातार १८ वर्षदेखि यो सूचीमा स्थान सुरक्षित राख्न सफल हुँदै आएका छन् ।