नेपाल बैंकद्वारा २.७९ अर्ब खुद नाफा आर्जन, खुद ब्याज आम्दानी र ईपीएस कति ?

काठमाण्डौ । नेपाल बैंक लिमिटेडको नाफामा झिनो सुधार आएको छ । बैंकले चालु आवको दोस्रो त्रैमाससम्मको वित्तीय विवरण सार्वजनिक गर्दै उक्त अवधिमा २ अर्ब ७९ करोड रुपैयाँबराबरको खुद नाफा आर्जन गरेको जनाएको छ ।  

यो रकम अघिल्लो आवमा बैंकले आर्जन गरेको २ अर्ब ७८ करोडको तुलनामा ०.३४ प्रतिशतले मात्रै बढी हो ।  

यस्तै बैंकको खुद ब्याज आम्दानी पनि ७ अर्ब १० करोडबाट बढेर ७ अर्ब ७ अर्ब ३१ करोड पुगेको छ । अघिल्लो आवमा ७५ करोड ३९ लाख रहेको बैंकको खुद शुल्क तथा कमिशन आम्दानी भने घटेर ६८ करोड ४३ लाखमा सीमित बनेको छ ।  

तेस्रो त्रैमाससम्म बैंकको सञ्चालन मुनाफा १२.५२ प्रतिशतले बढ्दै ४ अर्ब ८५ करोड पुगेको छ । बैंकको वितरणयोग्य मुनाफा ३२ करोड १३ लाख रुपैयाँ रहेको छ । जुन अघिल्लो आवको सोही अवधिको तुलनामा ४.९४ प्रतिशतले बढी हो । वितरणयोग्य मुनाफा बढेसँगै बैंकको लाभांश क्षमता पनि २.७८ प्रतिशतबाट बढेर २.९२ प्रतिशत पुगेको छ ।  

अघिल्लो आवको तेस्रो त्रैमाससम्म १ अर्ब ४१ करोड रुपैयाँ रहेको बैंकको रिटेन्ड अर्निङ ३२ करोड १३ लाख रुपैयाँले धनात्मक बनेको छ । यो अवधिमा रिजर्भको आकार पनि २४ अर्ब १३ करोडबाट बढेर २५ अर्ब ६ करोड पुगेको छ ।  

बैंकको कस्ट अफ फण्ड ३.९६ प्रतिशतबाट घटेर ३.१३ प्रतिशतमा सीमित बनेको छ । यस्तै खराब कर्जा अनुपात पनि ५.४५ प्रतिशतबाट घटेर ४.९६ प्रतिशतमा झरेको छ । बेस रेट पनि ५.९६ प्रतिशतबाट झरेर ४.७१ प्रतिशत कायम भएको छ ।  

समीक्षा अवधिसम्म बैंकको प्रतिसेयर आम्दानी(ईपीएस)२५.३४ रुपैयाँ, प्रतिसेयर नेटवर्थ २७२.७९ रुपैयाँ, पीई रेसियो १०.९७ गुणा र तरलता अनुपात ४१.०३ प्रतिशत कायम भएको छ ।