नेपाल दूरसञ्चार प्राधिकरणमा अध्यक्ष र सदस्य पदका लागि दरखास्त आह्वान

काठमाण्डौं । सञ्चार तथा सूचना प्रविधि मन्त्रालयले नेपाल दूरसञ्चार प्राधिकरण को नेतृत्व तथा सञ्चालक समितिमा रिक्त रहेका पदहरू पूर्ति गर्न औपचारिक प्रक्रिया अघि बढाएको छ ।  

मन्त्रालयले सार्वजनिक सूचना जारी गर्दै अध्यक्ष र सदस्य पदका लागि दरखास्त आह्वान गरेको हो ।

सूचनाअनुसार प्राधिकरणमा एक जना अध्यक्ष र चार जना सदस्य नियुक्त गरिनेछ ।  

यी पदका लागि योग्य नेपाली नागरिकहरूले तोकिएको शैक्षिक योग्यता र अनुभव पूरा गरी आगामी २०८३ साल जेठ ५ गते कार्यालय समयभित्र आवेदन बुझाउनुपर्ने व्यवस्था गरिएको छ ।

मन्त्रालयले उम्मेदवार छनोट प्रक्रिया पारदर्शी र प्रतिस्पर्धात्मक हुने जनाएको छ । 

आवश्यक योग्यता, दरखास्त फाराम तथा अन्य विवरण मन्त्रालयको आधिकारिक वेबसाइटमार्फत सार्वजनिक गरिएको छ ।

नयाँ नेतृत्व चयन भएपछि दूरसञ्चार क्षेत्रको नियमन, डिजिटल पूर्वाधार विस्तार र नीतिगत कार्यान्वयन अझ प्रभावकारी हुने अपेक्षा गरिएको छ ।