नयाँ प्रधानन्यायाधीश डा. शर्माको शपथ र पदभार ग्रहण आजै

काठमाण्डौं । सर्वोच्च अदालतका नवनियुक्त प्रधानन्यायाधीश डा. मनोजकुमार शर्माको शपथ ग्रहण आर्ज साँझ हुने भएको छ।  

संसदीय सुनुवाइ समितिबाट नाम अनुमोदन भएपछि संवैधानिक प्रक्रिया पूरा गर्दै उनलाई आजै औपचारिक रूपमा पद तथा गोपनीयताको शपथ गराइने तयारी गरिएको हो।

राष्ट्रपति कार्यालयमा आयोजना हुने विशेष समारोहमा राष्ट्रपति समक्ष डा. शर्माले प्रधानन्यायाधीश पदको शपथ लिने कार्यक्रम तय भएको छ।  

शपथ ग्रहणपछि उनले आजैदेखि सर्वोच्च अदालतको नेतृत्व सम्हाल्दै पदभार ग्रहण गर्ने जनाइएको छ।

प्रधानन्यायाधीश नियुक्तिसँगै अब सर्वोच्च अदालतले स्थायी नेतृत्व पाउने भएको छ।  

लामो समयदेखि नेतृत्वविहीन अवस्थाले प्रभावित बनेको न्यायिक तथा प्रशासनिक कार्यसम्पादनलाई नयाँ नेतृत्वले थप प्रभावकारी बनाउने अपेक्षा गरिएको छ।