नेपालको अर्थतन्त्रको आकार ६६ खर्ब नाघ्यो, बागमतीको योगदान सबैभन्दा बढी

काठमाण्डौ। नेपालको अर्थतन्त्रको आकार चालु आर्थिक वर्ष २०८२÷८३ मा ६६ खर्ब ९ अर्ब रुपैयाँ पुगेको अनुमान गरिएको छ । सरकारले सार्वजनिक गरेको आर्थिक सर्वेक्षण २०८२/८३ अनुसार मुलुकको कुल गार्हस्थ्य उत्पादन (जीडीपी) उल्लेख्य रूपमा विस्तार हुँदै गएको देखिएको हो।

सर्वेक्षण सार्वजनिक गर्दै अर्थमन्त्री डा.स्वर्णिम वाग्लेले प्रदेशगत योगदानमा बागमती प्रदेश अग्रस्थानमा रहेको जानकारी दिए। बागमती प्रदेशले राष्ट्रिय अर्थतन्त्रमा ३६.७ प्रतिशत योगदान पुर्याएको छ भने सबैभन्दा कम योगदान कर्णाली प्रदेश को ४.२ प्रतिशत रहेको छ।

प्रतिवेदनअनुसार नेपालको अर्थतन्त्र अझै पनि उपभोगमुखी रहेको देखिएको छ। कुल गार्हस्थ्य उत्पादनमा उपभोगको हिस्सा ९०।३ प्रतिशत रहने अनुमान गरिएको छ, जसले उत्पादनभन्दा खर्च र आयातमा अर्थतन्त्र बढी निर्भर रहेको संकेत गर्दछ।

त्यसैगरी, चालु आर्थिक वर्षमा प्रतिव्यक्ति कुल गार्हस्थ्य उत्पादन १ हजार ५१३ अमेरिकी डलर पुग्ने अनुमान गरिएको छ। प्रतिव्यक्ति राष्ट्रिय आय १ हजार ५३५ डलर तथा प्रतिव्यक्ति खर्चयोग्य आय २ हजार ५५ अमेरिकी डलर पुग्ने प्रक्षेपण गरिएको छ।