ग्रीनलाइफ हाइड्रोपावरको नाफा १४.२४ प्रतिशतले बढ्यो

काठमाण्डौ । ग्रीनलाइफ हाइड्रोपावर लिमिटेडले चालु आवको तेस्रो त्रैमाससम्म २ करोड ९४ लाख रुपैयाँ खुद नाफा कमाएको छ ।  

कम्पनीले कमाएको यो नाफा गत आवको सोही अवधिसम्मको तुलनामा १४.२४ प्रतिशत बढी हो । गत आवको सोही अवधिसम्म भने कम्पनीले २ करोड ५७ लाख  रुपैयाँबराबरको खुद नाफा कमाएको थियो ।  

कम्पनीको आम्दानीमा भने गिरावट आएको छ । कम्पनीको आम्दानी १.८४ प्रतिशतले घटेर ४ करोड ६ लाखमा सीमित बनेको छ । यो अवधिमा कम्पनीको वित्त खर्च भने घटेको छ । अघिल्लो आवको तेस्रो त्रैमाससम्म २ लाख ३ हजार रुपैयाँ रहेको कम्पनीको वित्त खर्च घटेर १ लाख १४ हजारमा सीमित बनेको छ ।

कम्पनीको कुल चालु सम्पत्ति १ करोड ७ लाख र कुल चालु दायित्व ४६ करोड १४ लाख रहेको छ ।

कम्पनीको प्रतिसेयर आम्दानी (इपीएस) १.९१ रुपैयाँबाट बढेर २.१८ रुपैयाँ पुगेको छ भने प्रतिसेयर नेटवर्थ पनि १०८.७९ रुपैयाँबाट बढेर १११.३६ रुपैयाँ पुगेको छ ।  

त्यस्तै, कम्पनीका पीई रेसियो १२८.९८ गुणा र तरलता अनुपात ०.०२ प्रतिशत कायम भएको छ ।