(2).gif)
.png)
काठमाण्डौं । नेपाल वैदेशिक रोजगार व्यवसायी संघको नेतृत्वमा डिकबहादुर खत्री (कुमार) चयन भएका छन् ।
हालै सम्पन्न निर्वाचनमा उनले प्रतिस्पर्धी उम्मेदवारहरूलाई पछि पार्दै अध्यक्ष पदमा विजय हासिल गरेका हुन् ।
(2).gif)
.gif)
(1).gif)
विभिन्न राजनीतिक धारसँग निकट रहेका व्यवसायी समूहहरूको गठबन्धनबाट उम्मेदवारी दिएका खत्रीले ३४७ मत प्राप्त गर्दै नेतृत्व आफ्नो पक्षमा सुरक्षित गरे ।
उनका प्रतिस्पर्धी मेघनाथ भुर्तेलले १९२ मत तथा हरिबहादुर पाण्डे क्षेत्रीले १७० मत प्राप्त गरेका छन् ।
निर्वाचनको नतिजाले खत्री नेतृत्वको समूहको संघभित्र बलियो प्रभाव देखाएको छ ।
पदाधिकारीतर्फ प्रथम उपाध्यक्षमा महेश बस्नेत, द्वितीय उपाध्यक्षमा अनिल बोगटी, महासचिवमा हरि डाँगी, सचिवमा केदारनाथ अधिकारी र कोषाध्यक्षमा धनमाया सिन्जाली निर्वाचित भएका छन् ।
तृतीय उपाध्यक्ष पदमा भने लक्ष्मण पौडेल विजयी बनेका छन् ।
१७ सदस्यीय कार्यसमितिमा पनि खत्री पक्षको स्पष्ट वर्चस्व देखिएको छ ।
.gif)
(1).gif)
उक्त समूहले अधिकांश पदाधिकारी र सदस्य पदमा जित निकाल्दै संघको आगामी कार्यदिशा निर्धारण गर्ने अवस्थामा पुगेको छ ।
लोकतान्त्रिक धारको प्रतिनिधित्व गर्दै चुनावी मैदानमा उत्रिएको समूहले तृतीय उपाध्यक्षसहित केही सदस्य पदमा सफलता प्राप्त गरेको छ ।
लक्ष्मण पौडेल, गीता राउत र दीक्षा दाहाल सो समूहबाट निर्वाचित भएका प्रमुख प्रतिनिधि हुन् ।
निर्वाचन परिणामलाई वैदेशिक रोजगार व्यवसायी क्षेत्रभित्र नयाँ शक्ति सन्तुलनको संकेतका रूपमा पनि हेरिएको छ ।
व्यवसायीहरूको ठूलो समर्थन प्राप्त गरेका खत्री नेतृत्वले अब वैदेशिक रोजगार क्षेत्रका चुनौती समाधान, व्यवसायी हकहित संरक्षण र नीतिगत सुधारमा कस्तो भूमिका खेल्छ भन्ने विषयमा चासो बढेको छ ।
.png)
.gif)
