(1).gif)
(2).gif)
.png)
काठमाण्डौं । जनमत पार्टीले संघीयताको प्रभावकारी कार्यान्वयन र मधेश–केन्द्रित मुद्दालाई अघि सार्दै काठमाडौंमा प्रदर्शन गरेको छ।
माइतीघर मण्डलामा गरिएको शान्तिपूर्ण प्रदर्शनमार्फत पार्टीले प्रदेशलाई पूर्ण स्वायत्तता दिनुपर्ने माग पुनः उठाएको हो ।
(2).gif)
.gif)
प्रदर्शनकारीहरूले कर्मचारी प्रशासन र स्थानीय तहलाई प्रदेश मातहत ल्याउन, प्रहरी प्रशासन तथा प्रमुख जिल्ला अधिकारीलाई प्रदेश सरकारको अधिकार क्षेत्रमा राख्न तथा जनसंख्याको आधारमा निर्वाचन क्षेत्र निर्धारण गर्नुपर्ने माग राखेका छन् ।
साथै तराई–मधेश क्षेत्रमा जनसंख्याको अनुपातमा बजेट विनियोजन गर्नुपर्ने उनीहरूको जोड छ ।
जनमत पार्टीले रोजगारी सिर्जना, वैदेशिक रोजगारका समस्या समाधान, किसानलाई सहुलियतपूर्ण ऋण र मल उपलब्ध गराउने विषयलाई पनि आन्दोलनका मुख्य एजेन्डा बनाएको छ ।
(1).gif)
.gif)
त्यस्तै, चुरे क्षेत्रको संरक्षण, भूमिहीन तथा सिमान्तकृत समुदायको अधिकार सुनिश्चितता र सामाजिक विभेद अन्त्य गर्न सरकार गम्भीर हुनुपर्ने माग गरिएको छ ।
पार्टीका नेताहरूका अनुसार सरकारले आफ्नै नीति र प्रतिबद्धता कार्यान्वयन नगरेको कारण दबाबमूलक प्रदर्शन गर्नुपरेको हो ।
उनीहरूले मधेश र सिमान्तकृत समुदायप्रति राज्यको ध्यान पर्याप्त नपुगेको आरोप समेत लगाएका छन् ।
जनमत पार्टीले आफ्ना मागहरू बेवास्ता भएमा आगामी दिनमा थप सशक्त आन्दोलन अघि बढाउने चेतावनीसमेत दिएको छ ।
.gif)
(1).gif)
(2).gif)
.png)
