जेसीबी नेपालद्वारा इटहरीमा ग्राहक सम्मान कार्यक्रमको आयोजना

एमएडब्लु अर्थमुभर्स प्रालि अन्तर्गत रहेको जेसीबी नेपालले इटहरीमा जेसीबी ग्राहक सम्मान कार्यक्रम आयोजना गरेको छ। उक्त कार्यक्रममा विशिष्ट ग्राहकवर्ग, विभिन्न संघ-संस्थाका प्रतिनिधि, उद्योग क्षेत्रका सरोकारवाला र जेसीबी नेपाल टिमका सदस्यहरूको उल्लेखनीय सहभागिता रहेको थियो।

यो कार्यक्रम कोशी क्षेत्रका जेसीबी ग्राहकहरूको निरन्तर विश्वास, सहयोग र साझेदारीप्रति कृतज्ञता व्यक्त गर्ने उद्देश्यले आयोजना गरिएको कम्पनीको भनाई छ । यो कार्यक्रम ग्राहकहरूसँगको सम्बन्ध थप सुदृढ पार्न, जेसीबी नेपालको विकासमा उनीहरूको योगदानलाई सम्मान गर्न र भरपर्दो मेसिन, बलियो आफ्टर सेल्स सर्भिस तथा दीर्घकालीन ग्राहक सन्तुष्टिप्रति कम्पनीको प्रतिबद्धतालाई पुनःपुष्टि गर्ने मञ्चको रूपमा सफल रहेको समेत कम्पनीले जनाएको छ ।  

कार्यक्रमको प्रमुख आकर्षणका रूपमा जेसीबी उपकरण, पार्ट्स, सर्भिस तथावार्षिक मर्मत सम्झौता सेवामा दीर्घकालदेखि विश्वास गर्दै आएका ग्राहकहरूको औपचारिक सम्मान तथा पहिचान गरिएको थियो। उनीहरुको निरन्तर सहकार्यप्रति कृतज्ञता व्यक्त गर्दै सम्मानपत्र प्रदान गरिएको थियो।

कार्यक्रममा नेपालको निर्माण क्षेत्र, भारी उपकरण क्षेत्र एवम् औद्योगिक तथा व्यापारिक क्षेत्रमा महत्त्वपूर्ण भूमिका निभाउँदै आएका विभिन्न संघ-संस्थाका प्रतिनिधिहरूलाई पनि मायाको चिनो प्रदान गरिएको थियो। समारोहमा नेपाल हेभी इक्विपमेन्ट एसोसिएसन, निर्माण संघ, क्रसर संघ, इट्टा उद्योग संघ र स्थानीय वाणिज्य संघका प्रतिनिधिहरूलाई सम्मान गरिएको थियो।

यस साँझको अर्को महत्त्वपूर्ण क्षणको रूपमा चाबी हस्तान्तरण समारोह रहेको थियो, जहाँ जेसीबी नेपाल टिमलेन याँ जेसीबी मेसिनधनीहरूलाई औपचारिक रूपमा चाबी हस्तान्तरण गरेको थियो। कार्यक्रममा सम्बोधन गर्दै जेसीबी नेपालका प्रमुख कार्यकारी अधिकृत तेजप्रसाद सुबेदीले उपस्थितसम्पूर्ण ग्राहक तथासाझेदारहरूप्रति हार्दिक आभार व्यक्त गरे । उनले भने, ‘हाम्रा ग्राहकहरू केवल मेसिन खरिद गर्ने व्यक्ति मात्र होइन, उहाँहरू हामीले निर्माण गरेको हरेक चीजको आधारस्तम्भ हुनुहुन्छ। प्रत्येक हस्तान्तरण, सेवा र दीर्घकालीन साझेदारीले हाम्रो सधैं साथमा रहने एउटै मात्र प्रतिज्ञालाई प्रतिनिधित्व गर्दछ। जेसीबी नेपाल विश्वस्तरीय उपकरण, प्रामाणिक आफ्टरसेल्स सर्भिस र विश्वासमा आधारित सम्बन्धको माध्यमबाट नेपालको विकासमा योगदान दिन दृढ प्रतिबद्ध छ। यस समुदायले हामीमाथि राखेको भरोसाका निम्तिहामी हार्दिक सम्मान व्यक्त गर्दछौं।’