(1).gif)
(2).gif)
.png)
काठमाण्डौ । नेपालभरका पेट्रोलियम व्यवसायीहरूको छाता संगठन नेपाल पेट्रोलियम डिलर्स राष्ट्रिय एसोसिएसनको नयाँ नेतृत्व चयन भएको छ।
सम्पन्न निर्वाचनबाट विश्वप्रसाद अर्याल अध्यक्ष पदमा निर्वाचित हुँदै आगामी कार्यकालका लागि संगठनको नेतृत्व सम्हाल्ने भएका छन्।
(2).gif)
.gif)
अध्यक्ष पदका लागि भएको प्रतिस्पर्धात्मक निर्वाचनमा अर्यालले २४२ मत प्राप्त गर्दै स्पष्ट बहुमतसहित विजय हासिल गरेका हुन्।
उनका निकटतम प्रतिद्वन्द्वी उत्सव इटेनीले ११३ मत प्राप्त गरे।
प्राप्त मत परिणामले व्यवसायीहरूबीच अर्यालप्रति उच्च विश्वास र समर्थन रहेको संकेत गरेको छ।
एसोसिएसनको वरिष्ठ उपाध्यक्ष पदमा चतुर्भुज सरिया अग्रवाल निर्वाचित भएका छन्।
उनले २२८ मत प्राप्त गर्दा उनका प्रतिस्पर्धी जनक तिमिल्सिनाले १२४ मत प्राप्त गरे।
त्यस्तै प्रथम उपाध्यक्ष पदमा श्यामबाबु रौनियार २६१ मतसहित विजयी भए।
उनका प्रतिद्वन्द्वी लयप्रसाद भण्डारीले ९२ मत प्राप्त गरेका थिए।
निर्वाचन प्रक्रियामा केही पदमा भने सर्वसम्मत नेतृत्व चयन भएको छ।
द्वितीय उपाध्यक्षमा सुनिलकुमार बिडला, महासचिवमा अच्युतबहादुर खड्का, कोषाध्यक्षमा श्यामकुमार बुढाथोकी, सचिवमा प्रेम न्यौपाने तथा सह–सचिवमा राजन गौङजु निर्विरोध निर्वाचित भएका छन्।
यी पदहरूमा सहमतिका आधारमा नेतृत्व चयन गरिएको हो।
त्यसैगरी कार्यकारी सदस्य पदमा देशका विभिन्न जिल्लाबाट प्रतिनिधित्व गर्ने १४ जना सदस्य निर्वाचित भएका छन्।
निर्वाचित सदस्यहरूमा गोकर्णराज खड्का, घनश्याम खत्री, ईश्वर लामा, महेन्द्रकुमार अग्रवाल, गणेशबहादुर सिलवाल, गोपाल श्रेष्ठ, राजु न्यौपाने, नवराज थापा, प्रह्लाद तिमिल्सिना, भुपालराज कटुवाल, अजयकुमार टण्डन, प्रदीप यादव, रामसाद आलम तथा टेकबहादुर बोहरा रहेका छन्।
(1).gif)
.gif)
प्रदेशस्तरीय नेतृत्व चयनतर्फ पनि अधिकांश पदमा निर्विरोध निर्वाचन भएको छ।
कोशी प्रदेश संयोजकमा रामसगुन यादव, मधेश प्रदेश संयोजकमा ललित शाह, बागमती प्रदेश संयोजकमा काशीराज पाठक, गण्डकी प्रदेश संयोजकमा नवीन बराल, लुम्बिनी प्रदेश संयोजकमा विश्वराज खनाल तथा सुदूरपश्चिम प्रदेश संयोजकमा चक्र मल्ल निर्विरोध निर्वाचित भएका छन्।
कोशी प्रदेश सदस्य पदमा भने प्रतिस्पर्धात्मक निर्वाचन भएको थियो।
उक्त निर्वाचनमा हरिप्रसाद भिमिरेले ९० मत प्राप्त गर्दै विजय हासिल गरे भने उनका प्रतिस्पर्धी राजनकुमार तिमिल्सिनाले ५५ मत प्राप्त गरेका थिए।
नयाँ नेतृत्व चयन भएसँगै एसोसिएसनभित्र उत्साहको वातावरण देखिएको छ।
पेट्रोलियम व्यवसायीहरूले नयाँ कार्यसमितिले व्यवसायीका समस्या समाधान, नीतिगत सुधार, आपूर्ति व्यवस्थापन तथा व्यवसायिक वातावरण सुदृढीकरणमा प्रभावकारी भूमिका खेल्ने अपेक्षा व्यक्त गरेका छन्।
नवनिर्वाचित अध्यक्ष विश्वप्रसाद अर्यालले व्यवसायीहरूको एकता, पेशागत अधिकारको संरक्षण र पेट्रोलियम क्षेत्रको समग्र विकासलाई प्राथमिकतामा राखेर काम गर्ने प्रतिबद्धता व्यक्त गरेका छन्।
उनले सरकार, नेपाल आयल निगम र सम्बन्धित निकायसँग समन्वय गर्दै व्यवसायीका जायज माग सम्बोधन तथा क्षेत्रको दीर्घकालीन सुधारका लागि पहल गर्ने बताएका छन्।
पेट्रोलियम व्यवसाय नेपालको अत्यावश्यक सेवा क्षेत्रसँग प्रत्यक्ष रूपमा जोडिएको क्षेत्र भएकाले एसोसिएसनको नयाँ नेतृत्वले इन्धन आपूर्ति प्रणालीलाई थप व्यवस्थित, पारदर्शी र व्यवसायमैत्री बनाउन महत्वपूर्ण भूमिका निर्वाह गर्ने अपेक्षा गरिएको छ।
.gif)
(1).gif)
(2).gif)
.png)
.jpg)
