.gif)
_(1).gif)
.png)
काठमाण्डौ । भिजिट भिसाको नाममा मानव तस्करी तीव्र भएको प्रमाणहरु फेला परेपछि त्यसलाई रोक्न सक्रिय अध्यागमन विभागले १०० जनाभन्दा बढीलाई विमानस्थलबाट फिर्ता पठाएको छ ।
भिजिट भिसामा कतार, दुबई, ओमान, बहराइन लगायतका देश जान लागेका १०० जनाभन्दा बढीलाई मंगलबार राति त्रिभुवन अन्तर्राष्ट्रिय विमानस्थलबाट फिर्ता पठाइएको त्यहाँस्थित अध्यागमन कार्यालयले जनाएको छ ।
(1).gif)
पछिल्लो २४ घण्टामा १०० जनाभन्दा बढीलाई फिर्ता पठाइएको त्रिभुवन अन्तर्राष्ट्रिय विमानस्थल अध्यागमन कार्यालयका प्रमुख गोगनबहादुर हमालले बताएका छन् ।
अध्यागमन विभागले मंगलबार नै भिजिट भिसामा जानेहरुका लागि विशेष सूचना जारी गरेको थियो । त्यसमा भिजिट भिसा जान चाहनेहरुले पूरा गर्नुपर्ने प्रक्रिया र बोक्नुपर्ने कागजातको विषयमा प्रष्ट पारिएको थियो । सोही व्यवस्थाअनुसार भिजिटको उद्देश्य पुष्टि नभएका र कागजात नपुगेका यात्रुलाई विदेशबाट जानबाट रोकेर घर फिर्ता पठाइएको हमालले दाबी गरे ।
उनका अनुसार बुधबार पनि कागज नपुगेकाहरुलाई घर पठाउने क्रमलाई निरन्तरता पाएको छ । बुधबार रातिसम्म कतिजनालाई फिर्ता पठाइन्छ भन्ने विषयको आँकडा मध्यरातिसम्म दिने उनको भनाई छ ।
पछिल्लो समय भिजिट भिसा भन्दै विभिन्न गन्तव्यमा नेपालीहरुलाई पठाउने दलालहरु सक्रिय रहेका पाइएको छ । दलालहरुले अध्यागमनका कर्मचारीसँग समेत मिलेमतो गरी मानव तस्करी गर्ने गरेको र भिजिट भिसामा गएकाहरु पुगेको देशमै बस्ने गर्दा कानूनी प्रक्रिया नमिलेर बिचल्लीमा पर्न थालेका खबरहरु बाहिर आएपछि सरकारको निर्देशनमा अध्यागमनले कडाईँ गर्न थालेको हो ।
.png)
.jpg)
.jpg)
.jpg)
.jpg)
.gif)
(1).gif)
.gif)
