.gif)
(1).gif)
.jpg)
_(1).gif)
.png)
काठमाण्डौ । सेयर लगानीकर्ताहरुको आन्दोलन र प्रदर्शन एकदिनमै स्थगन भएको छ ।
लगानी सम्मेलनको पूर्वसन्ध्यामा सरकारलाई दवाब दिने उद्देश्यले सेयर लगानीकर्ताहरुले शनिवारदेखि आन्दोलन थालेका थिए । सो क्रममा उनीहरुले माइतीघरबाट बानेश्वरसम्म प्रदर्शन गरेका थिए ।
शनिवारको आन्दोलनलाई ‘डेमो’को रुपमा प्रस्तुत गरिएको थियो । लगानीकर्ताहरुले आफ्ना माग राज्यले नसुनेको भन्दै लगानीसम्मेलन स्थलमै प्रदर्शनको चेतावनी समेत दिएका थिए । सोहीअनुसार तयारी पनि भइरहेको बेला एकाएक आन्दोलन स्थगन भएको एक लगानीकर्ताले जानकारी दिए ।
ती लगानीकर्ताका अनुसार अर्थमन्त्रालयका सामान्य कर्मचारी र अर्थमन्त्रीका सल्लाहकारको उधारो आश्वासनमा फेरि पनि सुरु भइसकेको आन्दोलन स्थगन भएको हो । ‘आन्दोलनको नेतृत्व गर्नेहरुले विदेशीको अगाडि राष्ट्रको बेइज्जती गर्नुहुँदैन, घरझगडा घरभित्रै मात्र रहनुपर्छ भन्नेजस्ता शब्दहरु प्रयोग गर्दै आन्दोलन स्थगित भएको जानकारी दिनुभयो । राज्य चलाउने र अर्थमन्त्रालयको बागडोर सम्हाल्नेहरुलाई यत्तिको दिनसम्म स्वदेशी लगानीकर्ताको कुनै पीर र चासो भएन, आज विदेशी लगानीकर्ताको मात्र पीर भयो । अनि त्यसकै बाहानामा चर्किसकेको आन्दोलन एकदिनमै रोक्नु गलत हो ।’ ती लगानीकर्ताले बिजशालासँग भने–‘यो समूहले यसअघि पनि सामान्य आश्वासनमा आन्दोलन स्थगन गर्ने गरेको थियो । यसपटक प्रभावकारी हुने संकेत देखिइसकेको थियो, तर झूठा आश्वासन र उधारो प्रतिबद्धताको पछि लागेर आन्दोलन सुरु नहुँदै तुहाइयो ।’
आन्दोलनको नेतृत्व हाँकिरहेकामध्येका एक लगानीकर्ता उपेन्द्र पाठक भने आफूहरुमाथिका आरोपमा दम नरहेको तर्क गर्छन् । उनले अर्थमन्त्रालयबाट अनुरोध आएकोले लगानी सम्मेलनमा नकारात्मक प्रभाव नपरोस् भन्ने उद्देश्यले आफूहरुले आन्दोलन स्थगित गरेको जिकिर गरे । ‘विदेशीको अगाडि घरझगडाको तमासा देखाउनु उचित होइन, हाम्रो लडाईं राज्यसँग हो । ऊसँग अरुबेला पनि लडाईं गर्न सकिन्छ भन्ने साथीहरुको कुरा आयो ।’ पाठकले बिजशालासँग भने–‘अर्थमन्त्रालयका जिम्मेवार अधिकारीहरुले २ दिनको समय माग्नुभएको छ । त्यसपछि हाम्रा समस्या र मागको विषयमा गम्भीर छलफल गरिने आश्वासन आएको छ । राष्ट्रप्रतिको दायीत्व हाम्रो पनि हो । विदेशीको सामु आफ्नै सरकारको किन बेइज्जत गर्नु ? यही सोंचेर हामीले आन्दोलन स्थगित गरेका हौं ।’
पाठकले आश्वासनअनुसार काम नभए वा सरकारले लगानी सम्मेलनपछि पनि लगानीकर्ताको आवाज नसुने फेरि आन्दोलनको आँधीबेहरी सिर्जना गर्ने चेतावनी समेत दिए ।
सेयर लगानीकर्ताहरु जिम्मेवार छन् र आफ्नो देशप्रति इमानदार तथा बफादार छन् भन्ने सन्देश समेत आन्दोलन स्थगनबाट प्रवाह भएको उनको जिकिर छ । ‘हामी जिम्मेवार नागरिक हौं ।’ उनले भने–‘जिम्मेवार नागरिकले विदेशीसामु राष्ट्रको बेइज्जती गर्नुहुन्न । सरकारसँग झगडा गर्ने समय छँदैछ । फेरि सरकारले हामीलाई एकदिनकै आन्दोलनपछि रेसपोन्स पनि राम्रो गरेको छ । मिडियाको राम्रो सपोर्ट प्राप्त भएको छ । अब हाम्रा माग नसुनी धरै छैन।’
.gif)
.png)
(152).jpg)
.jpg)
.gif)
