मिटरब्याजपीडित महिलाले गरिन् आत्मदाह प्रयास

काठमाण्डौ । धनुषामा एक महिलाले आत्मदाहको प्रयास गरेकी छन् । बुधबार जिल्ला अदालतको मुख्य गेट अगाडि जनकपुरधाम उपमहानगरपालिका–३ की करिब ५५ वर्षीया फूलकुमारी रजकले आत्मदाहको प्रयास गरेकी हुन् ।

उनले प्रहरीकै अगाडि आफ्नै शरीरमा पेट्रोल खन्याएकी थिइन् । उनलाई उद्धार गरिएको प्रहरीले जनाएको छ ।

मिटरब्याजी हरेराम साह र गोपाल साहको थुनछेक बहस चलिरहँदा पीडितहरू प्रदर्शनमा उत्रिएका बेला अदालतको मुख्य गेट अगाडि पुगेर साहलाई कारबाही हुनुपर्ने माग राख्दै फूलकुमारीले आत्मदाहको प्रयास गरेकी हुन् ।