.gif)
.png)
काठमाण्डौ । चीनको तिब्बत क्षेत्र हुँदै रसुवाको भोटेकोशीमा आएको विनाशकारी बाढीमा परी ज्यान गुमाउनेको संख्या ३५९ पुगेको नेपाल प्रहरीले जनाएको छ।
प्रहरीले बिहीबार साँझ ५ बजे सार्वजनिक गरेको पछिल्लो अपडेटअनुसार बुधबार आएको बाढीपछि विभिन्न जिल्लाबाट शव फेला पर्ने क्रम जारी छ।
उपलब्ध जिल्लागत विवरणअनुसार चितवनमा सबैभन्दा धेरै १३२ जनाको शव फेला परेको छ। त्यसपछि नवलपरासी पूर्वमा ८२ जनाको शव भेटिएको प्रहरीले जनाएको छ।
त्यस्तै, धादिङमा ३३, नुवाकोटमा २८, तनहुँमा २२, रसुवामा १७ र नवलपरासी पश्चिममा १५ जनाको शव फेला परेको उल्लेख छ।
जिल्लागत विवरण
- चितवन : १३२
- नवलपरासी पूर्व : ८२
- धादिङ : ३३
- नुवाकोट : २८
- तनहुँ : २२
- रसुवा : १७
- नवलपरासी पश्चिम : १५
तर, सार्वजनिक गरिएको यी जिल्लागत संख्याको जोड ३२९ मात्रै हुन्छ, जबकि प्रहरीको समग्र अपडेटमा मृतकको संख्या ३५९ भनिएको छ। अर्थात् उपलब्ध विवरणमा ३० जनाको जिल्लागत अवस्था समेटिएको देखिँदैन। थप जिल्लाको तथ्यांक छुटेको हो वा विवरण अद्यावधिकका क्रममा फरक परेको हो भन्ने स्पष्ट हुन बाँकी छ।
भोटेकोशीबाट सुरु भएको बाढी त्रिशूली हुँदै नारायणी नदी प्रणालीसम्म फैलिँदा तल्लो तटीय जिल्लामा समेत ठूलो संख्यामा शव फेला परिरहेका छन्।
खोज तथा उद्धार कार्य जारी रहेकाले मृतकको संख्या अझै बढ्न सक्ने देखिएको छ। विभिन्न स्थानमा बेपत्ता व्यक्तिको खोजीका लागि सुरक्षा निकाय परिचालित छन् भने नदी किनार र बाढी प्रभावित क्षेत्रमा शव खोज्ने क्रम जारी छ।
.png)
.png)
(1).jpg)
.jpg)
.jpg)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।