काठमाडौं–रसुवा सडकखण्ड चारचक्के सवारीका लागि सुचारु

काठमाण्डौ । काठमाडौं–टोखा–छहरे–गड्खार पुल–आप्र–नर्जा–लच्याङ–सरमथली–पाटीखर्क हुँदै बोगटीटार–कालिकास्थान–धुन्चे सडकखण्ड चार चक्के साना सवारीसाधन सञ्चालन हुने गरी सुचारु भएको छ।

सडकखण्ड सुचारु भएसँगै रसुवा जिल्ला पुनः सडक सञ्जालसँग जोडिएको छ। सडक खुलेपछि काठमाडौं तथा अन्य क्षेत्रबाट रसुवातर्फ आवतजावत गर्ने साना सवारीसाधनका लागि बाटो सहज भएको छ।

बाढी तथा पहिरोका कारण सडक अवरुद्ध भएपछि यातायात सम्पर्क प्रभावित बनेको थियो। सडक सञ्चालनमा आएसँगै प्रभावित क्षेत्रमा आवतजावत तथा अत्यावश्यक सामग्रीको ढुवानीमा समेत सहजता हुने अपेक्षा गरिएको छ।

हाल उक्त सडकखण्डमा चार चक्के साना सवारीसाधन मात्र सञ्चालन गर्न मिल्ने अवस्था रहेको जनाइएको छ।