.gif)
.gif)
.png)
काठमाण्डौ । चीनले रसुवागढीसँग जोडिने केरुङ नाका जाने स्थलमार्ग बुधबार बिहान १० बजेदेखि पूर्ण रूपमा पुनः सञ्चालनमा ल्याएको छ।
बाढीका कारण अवरुद्ध भएको सडकको अन्तिम खण्डसमेत अस्थायी रूपमा सञ्चालनमा ल्याइएपछि अब उद्धारकर्मी, राहत सामग्री, उपकरण तथा भारी मेसिनरी सडकमार्फत मुख्य प्रभावित क्षेत्रमा पुग्न सक्ने भएका छन्।
चिनियाँ सञ्चारमाध्यमका अनुसार सडक खुलेसँगै विपद् प्रभावित क्षेत्रमा थप व्यापक खोज, उद्धार तथा राहत कार्य सञ्चालन गर्न सहज हुने भएको छ।
रसुवाको भोटेकोशी क्षेत्रमा आएको विनाशकारी बाढीपछि नेपाल–चीन सीमा क्षेत्रका विभिन्न सडक खण्डमा ठूलो क्षति पुगेको थियो। त्यसका कारण स्थलमार्गबाट उपकरण र राहत सामग्री प्रभावित क्षेत्रमा लैजान कठिनाइ हुँदै आएको थियो।
.gif)
विशेषगरी भारी उत्खनन उपकरण, निर्माण सामग्री तथा ठूला उद्धार मेसिन तत्काल प्रभावित क्षेत्रमा पुर्याउन नसक्दा खोज तथा पुनःस्थापनाको काममा चुनौती देखिएको थियो।
अब केरुङतर्फको सडक सञ्चालनमा आएसँगै चिनियाँ पक्षबाट थप प्राविधिक सहयोग, उद्धार उपकरण र भारी मेसिनरी सडकमार्फत प्रभावित क्षेत्रमा प्रवेश गराउन सकिने अवस्था बनेको छ।
यसले रसुवागढी तथा आसपासका क्षेत्रमा जारी उद्धार, राहत र पुनःनिर्माण कार्यलाई गति दिन सक्ने अपेक्षा गरिएको छ।
बाढीका कारण सडक तथा पुलमा ठूलो क्षति पुगेपछि नेपाल र चीन दुवैतर्फ वैकल्पिक पहुँच मार्ग खोल्ने तथा अवरुद्ध सडक पुनः सञ्चालनमा ल्याउने प्रयास भइरहेको छ।
.gif)
(1).gif)
.png)
.gif)
.gif)
(1).gif)
.gif)
.gif)
प्रतिक्रिया
0 प्रतिक्रियाअहिलेसम्म कुनै प्रतिक्रिया छैन। पहिलो प्रतिक्रिया तपाईंको हुन सक्छ।