.gif)
(1).gif)
.jpg)
_(1).gif)
.png)
काठमाण्डौ । साताको अन्तिम कारोबार दिन आज नेपाल स्टक एक्सचेञ्च(नेप्से) मा सामान्य अंकको वृद्धि भएको छ । आज नेप्से परिसूचक ०.२८ प्रतिशत अर्थात ५.६३ अंकले बढेर १ हजार ९६६.२३ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.३४ प्रतिशतले बढेर ३५०.६० विन्दुमा पुगेको छ । यो दिन नेप्सेमा सूचीकृत मध्ये ३१३ वटा कम्पनीको ७० लाख ५८ हजार ३९९ कित्ता सेयर ३ अर्ब १२ करोड १२ लाख रुपैयाँभन्दा बढीको कारोबार भएको छ ।
आजको बजारबारे बजार जानकार सरोज भट्टराई भन्छन्, ‘आजको बढाईको लगानीकर्ता केहि आशावादी भएका छन् । तर अझै पनि ढुक्क हुने अवस्था भने बनिसकेको छैन । लगानीकर्ता बजेटबाट निकै आश गरेका छन् । बजेटमा सेयर बजारको समस्याका बारेमा कस्तो सम्बोधन हुन्छ भनेर लगानीकर्ता व्यग्र प्रतिक्षामा बसेका छन् ।’
लगानीकर्ता र निजी क्षेत्रको दबावमा सरकार रहेको बताउँदे भट्टराईले अर्थ मन्त्रालयको खुकुलो नीतिपछि मौद्रिक नीति पनि सहज हुने र जेठबाट ब्रोकर कमिसन पनि घट्ने उनले बताए ।
अर्का बजार जानकार तारा फुल्लेलले सरकारको गैर जिम्मेवारी नीतिका कारण बजार खस्किरहेको बताए । त्यसमा राष्ट्र बैंक पनि बाधक बनेको फुल्लेलले बताए । ‘त्यसैले तरलता सहज हुँदा हुँदै पनि लगानीकर्ताको आत्म्बल बढ्न नसक्दा बजार बढ्न सकेन र सरकारको कार्यान्वयन पक्ष पनि कमजोर बन्यो । यद्यपी बजार अब यहाँबाट तल भने जादैँन ।’ उनले भने ।
यो दिन नेप्सेमा सूचीकृत १३ वटा समूहमध्ये १० वटा समूहमा हरियाली छायो भने अन्य ३ वटा समूहमा रातो पोतियो ।
आज होटल समूह सर्वाधिक अर्थात ६.९६ प्रतिशतले बढ्यो । आज बैंकिङ समूह ०.४६ प्रतिशत, विकास बैंक ०.७९,वित्त ०.६६, हाईड्रो ०.२१,लगानी ०.२३,म्युचुअल फण्ड ०.१८,निर्जीवन बीमा ०.१५,अन्य ०.०१ र व्यापार समूह ०.०७ प्रतिशतले बढ्यो ।
आज जीवन बीमा समूह ०.४४ प्रतिशत,उत्पादन तथा प्रशोधन ०.१२ र लघुवित्त ०.९० प्रतिशतले घट्यो ।
धेरै कारोबार गर्ने कम्पनीहरु
यो दिन नेपाल फाइनान्स कम्पनीको सर्वाधिक सेयर कारोबार भयो । आज यो कम्पनीको १६ करोड ९७ लाख बढीको सेयर कारोबार भएको छ ।
त्यस्तै सोल्टी होटलको १४ करोड ४७ लाख, फर्स्ट माईक्रोफाइनान्सको ९ करोड ६६ लाख र पोखरा फाइनान्सको ९ करोड ५९ लाख बढीको सेयर कारोबार भएको छ ।
धरै कमाउने र गुमाउने कम्पनीहरु
आज ओरियन्टल होटलको सेयरमूल्य सर्वाधिक बढ्यो । यो कम्पनीको सेयरमूल्य ८.४६ प्रतिशतले बढ्यो । यो दिन सिटी होटलको सेयरमूल्य ७.९९ प्रतिशत,सोल्टी होटलको ७.४१ र तारागाँउ रिजेन्सी होटलको सेयरमूल्य ६.५६ प्रतिशतले बढ्यो ।
आज सबैको लघुवित्तको सेयरमूल्य सर्वाधिक अर्थात ८.४८ प्रतिशतले घट्यो ।
यस्तै आज विन नेपाल लघुवित्तको सेयरमूल्य ४.२५ प्रतिशत र साधना लघुवित्तको सेयरमूल्य ४.२१ प्रतिशतले घट्यो ।
.gif)
.png)
(1)(2).jpg)
.jpg)
.jpg)
(4)(1).png)
.gif)
