बाढीपीडितलाई एक हजार सहयोग गर्ने व्यक्तिले पाए रु. १ लाख पुरस्कार

काठमाण्डौ । प्रधानमन्त्री दैवी प्रकोप उद्धार कोषमा बाढीपीडितको सहयोगका लागि एक हजार रुपैयाँँ योगदान गरेका एक व्यक्तिले करदाता प्रोत्साहन कार्यक्रमअन्तर्गत १ लाख पुरस्कार प्राप्त गरेका छन् ।

विपद्का समयमा पीडितको सहयोगका लागि योगदान गर्दा करदाता प्रोत्साहन उपहार कार्यक्रमअन्तर्गत उक्त व्यक्तिले १ लाख रुपैयाँ जितेका हुन् ।  

सरकारको करदाता प्रोत्साहन उपहार कार्यक्रमअन्तर्गत दैनिक पुरस्कार तर्फ भदौ १ गतेदेखि १५ गतेसम्म १५ जनालाई उपहार वितरण गर्दा प्रधानमन्त्री दैवी प्रकोप उद्धार कोषमा योगदान गर्ने व्यक्ति पनि छनोट भएका हुन् ।  

उक्त व्यक्तिले कोषमा रु १ हजार योगदान गरेका थिए । स्रोतका अनुसार उनको ट्रयान्जेक्सन नम्बर ‘०४२१४४१६५६६६’ रहेको खुलेको छ ।  

सानो रकम भए पनि विपद्को समयमा गरिएको सहयोगको गर्दा उक्त व्यक्ति राज्यले सञ्चालन गर्दै आएको करदाता उपहार कार्यक्रममा छनोट भएका हुन् ।