धनगढीमा भेस्पा र अप्रिलियाको नयाँ शोरुम सञ्चालनमा

NEWS
सोमबार, आश्विन १२,२०८३ 12:40:13

काठमाण्डौ । नेपालका लागि भेस्पा तथा अप्रिलियाको आधिकारिक वितरक डेल्टा अटोकर्प प्रा.लि.ले धनगढीमा नयाँ शोरुम सञ्चालनमा ल्याएको छ ।

युवापुस्तामाझ भेस्पा र अप्रिलिया स्कुटरप्रति बढ्दो आकर्षण तथा ग्राहकलाई सहज सेवा उपलब्ध गराउने उद्देश्यले धनगढीमा नयाँ शोरुम विस्तार गरिएको कम्पनीले जनाएको छ । नयाँ शोरुम असोज ९ गते विशेष कार्यक्रमबीच उद्घाटन गरिएको हो ।

उद्घाटन समारोहमा डेल्टा अटोकर्पका निर्देशक तथा प्रमुख कार्यकारी अधिकृत विजय कुमार महतोले देशभर भेस्पा र अप्रिलियाको पहुँच विस्तार गर्ने योजनाअनुसार धनगढीमा नयाँ शोरुम सञ्चालनमा ल्याइएको बताए ।

उनका अनुसार धनगढी शोरुमबाट पनि अन्य शोरुमसरह बिक्रीपछिको सेवा तथा सुविधा उपलब्ध गराइनेछ । ग्राहकको आवश्यकता र अपेक्षाअनुसार सेवा विस्तार गर्दै लैजाने कम्पनीको प्रतिबद्धता रहेको उनले बताए ।

कम्पनीले देशभर शोरुम तथा आधिकारिक सर्भिस सेन्टरको सञ्जाल विस्तार गर्दै आएको जनाएको छ ।

धनगढी उपमहानगरपालिका–४ स्थित वेस्टर्न म्याक नेपाल प्रा.लि.मार्फत अब भेस्पा तथा अप्रिलियाका विभिन्न मोडल र रङका स्कुटर खरिद गर्न सकिनेछ ।

कम्पनीका अनुसार हालै नाडामा सार्वजनिक गरिएको १७५ सीसी क्षमताको नयाँ अप्रिलिया एसआर १७५ पनि उक्त शोरुममा उपलब्ध हुनेछ । त्यस्तै, भेस्पाका लाइल्याक र ओरो गोल्डेनसहित नयाँ रङका स्कुटरसमेत ग्राहकले आफ्नो रोजाइअनुसार खरिद गर्न सक्नेछन् ।