एनआईसी एशिया बैंकका ग्राहकलाई होन्डा गाडी किन्दा ५.९९ प्रतिशत स्थिर ब्याजदरमा कर्जा

BANKING
सोमबार, आश्विन १२,२०८३ 17:01:55

काठमाण्डौ । एनआईसी एशिया बैंक लिमिटेड र स्याकार ट्रेडिङ कम्पनी प्रा.लि.बीच बैंकका ग्राहकलाई होन्डा ब्रान्डका विभिन्न सवारी साधन खरिद गर्दा आकर्षक ब्याजदर तथा अन्य विशेष सुविधा उपलब्ध गराउने सम्बन्धमा समझदारी भएको छ ।

समझदारीपत्रमा बैंकका तर्फबाट चिफ बिजनेस अफिसर–रिटेल बिजनेस अमित केसी र स्याकार ट्रेडिङका तर्फबाट प्रमुख कार्यकारी अधिकृत सिर्जना ज्योतिले हस्ताक्षर गरेका छन् ।

समझदारीअनुसार होन्डा ब्रान्डका गाडी खरिद गर्ने ग्राहकले परिवर्तनीय ब्याजदर सुविधा रोजेमा बैंकको औसत आधार दरमा थप १ प्रतिशत ब्याजदरमा सवारी साधन कर्जा लिन सक्नेछन् ।

त्यस्तै, स्थिर ब्याजदर रोज्ने ग्राहकका लागि ७ वर्षसम्मका लागि ५.९९ प्रतिशत स्थिर ब्याजदरमा कर्जा उपलब्ध गराइने बैंकले जनाएको छ ।

यससँगै प्रशासनिक सेवा शुल्कमा ०.२५ प्रतिशत छुट तथा छिटो र छरितो रूपमा कर्जा उपलब्ध गराउने व्यवस्था पनि गरिएको छ ।

बैंकका अनुसार यस सवारी साधन कर्जा सुविधामार्फत ग्राहकले स्याकार ट्रेडिङले बिक्री गर्दै आएका होन्डा ब्रान्डका विभिन्न गाडी खरिद गर्न सक्नेछन् ।

एनआईसी एशिया बैंकले ग्राहकलाई सवारी साधन खरिद सहज बनाउन प्रतिस्पर्धी ब्याजदर तथा सहुलियतपूर्ण सेवा उपलब्ध गराउने उद्देश्यले यस्तो सहकार्य गरिएको जनाएको छ ।