एआईआईबी गभर्नर परिषद्को उपाध्यक्षमा नेपाल चयन

काठमाडौं। नेपाल एसियाली पूर्वाधार लगानी बैंक (एआईआईबी) को गभर्नर परिषद्को आगामी कार्यकालका लागि उपाध्यक्ष चयन भएको छ। कतारको दोहामा जारी परिषद्को ११औँ वार्षिक बैठकका अवसरमा नेपालका तर्फबाट गभर्नर रहेका अर्थमन्त्री डा. स्वर्णिम वाग्लेले उक्त जिम्मेवारी ग्रहण गरेका छन्।

बैठकमा आयरल्यान्ड पनि उपाध्यक्ष चयन भएको जानकारी दिइएको छ। नेपाल एआईआईबीको क्षेत्रीय सदस्य र आयरल्यान्ड गैरक्षेत्रीय सदस्य हो। त्यसैले नेपाललाई गैरक्षेत्रीय सदस्यतर्फबाट चयन गरिएको भन्ने विवरण सच्याउन आवश्यक छ। एआईआईबीको सदस्य सूचीले पनि यही वर्गीकरण देखाउँछ।

बैठकको गभर्नर्स बिजनेस राउन्डटेबललाई सम्बोधन गर्दै वाग्लेले पूर्वाधारमा हुने पुँजी निर्माण कम विकसित मुलुकहरूको आर्थिक वृद्धिको प्रमुख आधार भएको बताए। सडक, विद्युत्, सञ्चार र सूचना प्रविधिमा लगानी विस्तार गर्नुपर्नेमा उनले जोड दिए।

नेपालजस्ता मुलुकको आवश्यकता र ऋण वहन गर्ने क्षमतालाई ध्यानमा राखेर एआईआईबीको वित्तीय सहयोग अधिकतम सहुलियतपूर्ण बनाउनुपर्ने वाग्लेको भनाइ थियो। स्वदेशी तथा विदेशी निजी पुँजी आकर्षित गर्ने गरी वित्तीय स्रोत परिचालन गर्न पनि उनले बैंकलाई आग्रह गरे।