भक्तपुरको कवाडी पसलमा आगलागी

काठमाडौं। भक्तपुरको सूर्यविनायक नगरपालिका–८, कपाली टोलस्थित कवाडी पसलमा आज बिहान आगलागी भएको छ।

प्रहरी वृत्त जगातीका अनुसार नवराज भट्टले सञ्चालन गरेको पसलमा बिहान करिब साढे ६ बजे आगलागी भएको हो। प्रारम्भिक अनुसन्धानमा बिजुलीको तार सर्ट भएर आगलागी भएको हुन सक्ने डीएसपी दीपक कार्कीले बताए।

प्रहरी र स्थानीयको सहयोगमा आगो नियन्त्रणमा लिइएको छ। घटनाबारे थप अनुसन्धान भइरहेको प्रहरीले जनाएको छ।