बुढीगण्डकीको बाढीले बेनीघाटदेखि मुग्लिङसम्म उच्च जोखिम, सतर्क रहन आग्रह

काठमाडौँ । बुढीगण्डकी नदीमा आएको बाढीका कारण त्रिशूली नदीको बेनीघाटदेखि मुग्लिङसम्म उच्च जोखिम रहेको बाढी पूर्वानुमान महाशाखाले जनाएको छ।  

महाशाखाले सूचना जारी गर्दै नदी आसपासका क्षेत्रमा सतर्कता अपनाउन आग्रह गरेको छ। महाशाखाका अनुसार बुढीगण्डकी नदीमा बाढीको सतह खतराको तहभन्दा माथि पुगेको छ। 

नदीको जलस्तर घटबढ भइरहेकाले त्रिशूली नदीको बेनीघाटसम्म अति उच्च जोखिम, मुग्लिङसम्म उच्च जोखिम तथा चितवन र नवलपरासीका नदी आसपासका क्षेत्रमा मध्यम जोखिम रहेको छ।