एनसेल–सामसङ सहकार्य, घरायसी विद्युतीय उपकरणमा ३१ प्रतिशतसम्म छुट

NEWS
सोमबार, आश्विन २६,२०८३ 18:02:57

काठमाण्डौ । एनसेलले सामसङ नेपालसँग सहकार्य गर्दै आफ्ना ग्राहकलाई चाडपर्वको अवसरमा घरायसी विद्युतीय उपकरण खरिदमा थप छुट उपलब्ध गराउने भएको छ।

यो सहकार्यअन्तर्गत एनसेलका योग्य ग्राहकले सामसङका टेलिभिजन, फ्रिज, वासिङ मेसिनलगायत उपकरण खरिद गर्दा सामसङले दिँदै आएको चाडपर्व छुटमाथि थप १२ प्रतिशतसम्म अतिरिक्त छुट पाउनेछन्।

कम्पनीका अनुसार यसरी ग्राहकले कुल ३१ प्रतिशतसम्म खर्च बचत गर्न सक्नेछन्। अतिरिक्त छुटको दर ५ प्रतिशत, ८ प्रतिशत वा १२ प्रतिशत हुनेछ र यो ग्राहकले प्रयोग गरिरहेको प्याक वा रेन्टल प्याकमा निर्भर रहनेछ।

एनसेलका प्रोडक्ट डाइरेक्टर ललित शारदा र सामसङ नेपालका प्रबन्ध निर्देशक चाङ उक जङको उपस्थितिमा सहकार्यलाई औपचारिक रूप दिइएको हो।

अफर असोज २२ गतेदेखि कात्तिक ३० गतेसम्म लागू हुनेछ। यस अवधिमा दसैं, तिहार र छठलगायत प्रमुख चाडपर्व परेका छन्।

अफर लिन ग्राहकले एनसेल एपको ‘पार्टनर्ड सर्भिसेज’ सेक्सनमा गएर आफ्नो योग्यता जाँच गर्नुपर्नेछ। योग्य ठहरिएका ग्राहकले नेपालभर रहेका सहभागी सामसङका आधिकारिक बिक्री केन्द्रबाट छुट सुविधा लिन सक्नेछन्।

एनसेलका प्रोडक्ट डाइरेक्टर ललित शारदाले कम्पनीले कनेक्टिभिटी सेवामा मात्र सीमित नरही ग्राहकलाई थप मूल्य र लाभ दिने उद्देश्यअनुसार सामसङसँग सहकार्य गरिएको बताए।

उनका अनुसार यो सहकार्यले चाडपर्वमा घरायसी विद्युतीय उपकरण खरिद गर्ने ग्राहकको खर्च घटाउन मद्दत गर्नुका साथै सेवा अनुभवलाई थप सहज र लाभदायी बनाउने अपेक्षा गरिएको छ।

यो सहकार्यले एनसेलको देशव्यापी ग्राहक पहुँच र डिजिटल प्लेटफर्मलाई सामसङका उपभोक्ता इलेक्ट्रोनिक्स उत्पादन तथा आधिकारिक बिक्री सञ्जालसँग जोडेको दुवै कम्पनीले जनाएका छन्।