११ वर्षदेखि अलपत्र सुखानी पुलको ठेक्का अन्त्य

काठमाडौँ। सडक डिभिजन इलामले लामो समयदेखि अलपत्र रहेको सुखानी पक्की पुल निर्माणको ठेक्का अन्त्य गरेको छ।

मेची कोरिडोर (मदन भण्डारी राजमार्गसमेत)अन्तर्गत पर्ने उक्त पुल निर्माणका लागि करिब १४ वर्ष ४ महिनाअघि सम्झौता भएको थियो। तर, निर्माण व्यवसायीले करिब ११ वर्षदेखि काम ठप्प पार्दै कार्यस्थल छाडेपछि डिभिजनले ठेक्का रद्द गरेको हो।

एक करोड ६२ लाख रुपैयाँ लागतको पुल निर्माणको जिम्मा पाएको स्काई–अजम्वर–शिवराम जेभी, काठमाडौंलाई कालोसूचीमा राख्न सिफारिस गर्नुका साथै कानुनबमोजिम थप कारबाही प्रक्रिया अघि बढाइएको डिभिजनले जनाएको छ।