एनआईसी एशिया बैंकलाई ५० प्रतिशत हकप्रद सेयर निष्कासन गर्न सेबोनको स्वीकृति

काठमाडौं । नेपाल धितोपत्र बोर्ड (सेबोन)ले एनआईसी एशिया बैंक लिमिटेडलाई ५० प्रतिशत हकप्रद सेयर निष्कासन गर्न स्वीकृति दिएको छ।

बोर्डले बैंकलाई हाल कायम साधारण सेयरको २ः१ अनुपातमा प्रतिकित्ता १०० रुपैयाँ अंकित मूल्यका ७ करोड ४५ लाख ८७ हजार ८३५ कित्ता हकप्रद सेयर निष्कासन गर्न स्वीकृति दिएको हो।

बैंकले हकप्रद सेयर निष्कासनका लागि तयार पारेको ‘हकप्रद सेयर निष्कासनसम्बन्धी व्यवस्था र विवरणहरू’लाई धितोपत्र बोर्डले स्वीकृति प्रदान गरेको छ।  

एनआईसी एशिया बैंकको हकप्रद सेयर निष्कासन तथा बिक्री प्रबन्धक एनआईएमबी एस क्यापिटल लिमिटेड रहेको छ।