माईखोला हाइड्रोपावरको नाफामा ४२ प्रतिशत गिरावट, आम्दानीसमेत घट्यो

काठमाण्डौ । माईखोला हाइड्रोपावर लिमिटेडको चालु आर्थिक वर्ष २०८३/८४ को पहिलो त्रैमासमा खुद नाफा घटेको छ।

कम्पनीले सार्वजनिक गरेको अपरिष्कृत वित्तीय विवरणअनुसार असोज मसान्तसम्म कम्पनीले ३१ लाख ९१ हजार रुपैयाँ खुद नाफा कमाएको छ। गत आर्थिक वर्षको सोही अवधिमा कम्पनीले ५४ लाख ८३ हजार रुपैयाँ खुद नाफा कमाएको थियो। यस आधारमा कम्पनीको नाफा करिब ४१.८ प्रतिशतले घटेको हो।

समीक्षा अवधिमा विद्युत् बिक्रीबाट हुने आम्दानी पनि घटेको छ। कम्पनीले पहिलो त्रैमासमा विद्युत् बिक्रीबाट १ करोड ७७ लाख ३९ हजार रुपैयाँ आम्दानी गरेको छ। गत वर्षको सोही अवधिमा यस्तो आम्दानी १ करोड ९७ लाख २१ हजार रुपैयाँ थियो।

कम्पनीको सञ्चालन नाफा १ करोड ३९ लाख ५४ हजार रुपैयाँ रहेको छ। गत वर्षको सोही अवधिमा सञ्चालन नाफा १ करोड ६७ लाख रुपैयाँ थियो।

यस्तै कम्पनीको वित्तीय लागत ५८ लाख ६४ हजार रुपैयाँ रहेको छ भने ह्रासकट्टी खर्च ४८ लाख रुपैयाँ छ।

असोज मसान्तसम्म कम्पनीको कुल सम्पत्ति ८६ करोड ७२ लाख ५१ हजार रुपैयाँ रहेको छ। कम्पनीको कुल इक्विटी ४५ करोड १५ लाख ७३ हजार रुपैयाँ छ।

कम्पनीको चुक्तापुँजी ३९ करोड २१ लाख ५७ हजार रुपैयाँ रहेको छ भने सञ्चित नाफा ५ करोड ९४ लाख १६ हजार रुपैयाँ पुगेको छ।

कम्पनीको वार्षिकीकृत प्रतिसेयर आम्दानी ३.२६ रुपैयाँ रहेको छ। प्रतिसेयर नेटवर्थ ११५.१५ रुपैयाँ र मूल्य आम्दानी अनुपात ७८.०२ गुणा रहेको छ।