सुपरमाई हाइड्रोपावरको १८.४२१ प्रतिशत लाभांश प्रस्ताव

काठमाडौं । सुपरमाई हाइड्रोपावर लिमिटेडले सेयरधनीलाई कुल १८.४२१ प्रतिशत लाभांश वितरण गर्ने प्रस्ताव गरेको छ। प्रस्तावित लाभांशमा १४ प्रतिशत बोनस सेयर र कर प्रयोजनका लागि समेत ४.४२१ प्रतिशत नगद लाभांश समावेश छ।

कम्पनीको सञ्चालक समितिको कात्तिक २२ गते बसेको १३९औँ बैठकले उक्त लाभांश प्रस्ताव गरेको हो। आर्थिक वर्ष २०८२/८३ सम्मको सञ्चित मुनाफाबाट लाभांश वितरण गर्ने निर्णय भएको कम्पनीले जनाएको छ।

प्रस्तावित लाभांश विद्युत् नियमन आयोगको स्वीकृति तथा आर्थिक वर्ष २०८२/८३ का लागि बस्ने कम्पनीको १२औँ वार्षिक साधारणसभाबाट अनुमोदन भएपछि वितरण गरिनेछ।