.gif)
_(1).gif)
.jpg)
.png)
काठमाण्डौ । चिनियाँ ईभी अटो निर्माता कम्पनी बीवाईडी घरेलु बजारमा निकै सफल बनेको छ । तर कम्पनीले पश्चिमा देशहरुमा भने आफ्नो प्रभुत्व कायम गर्न कयौं संघर्ष र चुनौतीहरुको सामना गर्नु परिरहेको छ ।
प्रोप्राईटरी ब्याट्री प्रविधि, स्वदेशमै निर्माण भएको पाट्स,अत्यावश्यक कच्चा पर्दाथमा पहुँच र चिनियाँ सरकारको समर्थन जस्ता प्रतिस्पर्धि लाभका बाबजुत पनि बीवाईडीले पश्चिमा देशहरुमा आफ्नो उपस्थिती बलियो बनाउन सकिरहेको छैन । कमजोर बजार माग, महत्वाकांक्षी बिक्री लक्ष्य,त्रुटिपूर्ण मूल्य निर्धारण रणनीति,पश्चिमी देशहरुद्वारा नियामकीय अनुसन्धान,गुणस्तरप्रतिको चाँसो र आयातपश्चात समायोजनको आवश्यकता तथा महत्वपूर्ण मर्मतहरु गुर्न पर्ने जस्ता कारणले कम्पनीले पश्चिममा प्रवेश गर्न सकिरहेको छैन ।
अनुसन्धान
युरोपेली कमिसनले चीन सरकारले आफ्नो ईभी सेक्टरलाई उपलब्ध गराएको अनुदानले बजारलाई विकृत गरेको आरोप लगाएको छ । युरोपेली देशहरुको मुख्य चुनौति भनेको चीन सरकारले ईभी र अन्य हरित प्रविधिका लागि प्रदान गरेको अनुदान र करलाई पहिचान गर्नु हो । युरोपेली कमिशनले चीनले ‘एन्टी सब्सिडी’ नियमको उल्लंघन गरेको छ कि भन्ने बारे तथ्यांक र प्रमाण जुटाउने योजना बनाएको छ । यदि यस विषयमा नियम उल्लंघन गरेको पाइएमा ईयुले आवश्यक कदम चाल्नेछ । जसमा ईयुले छानबिन सुरु भएको ९ महिनाभित्र चिनियाँ ईभी आयातमा अस्थायी शुल्क लगाउने र १३ महिनाभित्र स्थायी शुल्क लगाउन सक्नेछ ।
यस्तै युरोपमा प्रवेश गर्ने चिनियाँ कारहरुले अमेरिकाले चिनियाँ ईभीमा पहिले देखिनै लागू गरेको २७.५ प्रतिशत करको सामना गर्न सक्छ । हालैमात्रै अमेरिकी राष्ट्रपति जो बाईडेनले मुद्रास्फिती न्यूनिकरण ऐनअन्तर्गत यस्ता अनुदानको लाभ उठाएका वस्तुहरुको आयातमा कर लगाउने निर्णय स्थानिय अटो निर्मातालाई सुरक्षा प्रदान गर्न गरिएको रणनीतिक कदम हो ।
सन् २०२३ मा भारतले एक स्थानिय कम्पनीसँगको साझेदारीमा १ बिलियन डलरबराबरको ईभी कारखाना स्थापना गर्ने बीवाईडीको प्रस्तावलाई अस्विकार गरेको थियो ।
यस्तै कदम अष्ट्रेलियाले पनि उठाएको थियो । अष्ट्रेलियाले चिनियाँ कम्पनीसँग जोडिएको लिथियम खानी कम्पनीको अधिग्रहणमा रोक लगाएको थियो ।
गुणस्तर चाँसो
इर्भी कारप्रतिको गुणस्तरको चाँसोले ग्राहकको सोच र ग्रहण गर्ने दरमा महत्वपूर्ण प्रभाव पार्ने गर्छ । यी चासोहरुमा ब्याट्राीको आयु र गिरावट,चार्जिङ पूर्वाधारको विश्वसनियता,सवारी साधनको रेञ्ज,बनावटको गुणस्तर तथा फिनिसिङ,सफ्टवेयर बग तथा अपडेट र सुरक्षाका विषयहरु समावेश हुन्छन् । बीवाईडीले प्रायःआफ्नो सवारी साधनको गुणस्तरसँग सम्बन्धित विषयमा चुनौतिको सामना गरिरहेको छ । कम्पनीका लागि चीनमा बनेका कारहरुको गुणस्तरका बारेमा स्थापित मान्यता र स्टेरियोटाइपहरु हटाउन आवश्यक देखिन्छ ।
ब्याट्रीको आयु र चार्जिङ पूर्वाधार
ईभी सवारीप्रति मुख्य चासोको विषय भनेको समयको अन्तरालसँगै ब्याट्रीको कार्यक्षमता र यसको स्थायित्वसँग हुने गर्छ । समय बित्दै जाँदा ईभी गाडीहरुको ब्याट्रीको चार्ज क्षमता घट्ने भएकाले यसले गाडीको रेञ्ज र समग्र कार्यक्षमतालाई नै प्रभावित पार्न सक्छ ।
उपभोक्ताको मुख्य सरोकार ब्याट्री प्रतिस्थापनले सम्भावित लगात र वातावरणमा पार्ने प्रभावमा केन्द्रित हुने गर्छ । चार्जिङ स्टेशनको सञ्जाल विस्तार भएसँगै चार्जिङ प्रक्रियाको विश्वसनियता र स्थिरताका बारेमा पश्न चिन्हहरु खडा भएका छन् । चार्जिङ उपकरणको खराबी,सुस्त चार्जिङ र निश्चित क्षेत्रहरुमा सीमित कभरेज जस्ता समस्याहरुले विद्युतीय सवारीका सम्भावित खरिदकर्ताहरुलाई निरुत्साहित गर्न सक्छ ।
लजिस्टीक र आपूर्ति श्रृंखला
स्थानीय आपूर्ति सञ्जाल स्थापना गर्नका लागि प्रभावकारी लजिस्टीक र यातायात पूर्वाधार आवश्यक पर्छ । यसले वस्तु तथा सामाग्रीको चुस्त दुरुस्त ढुवानीलाई बढावा दिने गर्छ । चिनियाँ अटो निर्माताहरुले पनि युरोपमा बलियो डिलसशीप र सर्भिस सेन्टरका लागि लगानी गर्न आवश्यक देखिन्छ ।
पूर्वाधार र यातायात सञ्जाल त्यति विकास नभएको हंगेरीमा बीवाईडीले आफ्नो आपूर्ति श्रृंखला लजिस्टीक विस्तार गर्न समस्याको सामना गर्नु पर्ने हुनसक्छ । साथै,वस्तु तथा सामाग्रीका लागि उच्च गुणस्तरको विश्वासिलो स्रोत भेटाउनु पनि कम्पनीका लागि अर्को चुनौती बन्न सक्छ ।
कम्पनीले गुणस्तर कायम राख्न र बिना अवरोध आपूर्ति जारी राख्न सक्ने सम्भावित आपूर्तिकर्ताको छनौट गर्नुपर्ने समेत देखिन्छ ।
(1).gif)
बनावट गुणस्तर र सफट्वेयर
हालै सार्वजनिक भएको रिपोर्टमा चीनबाट आयात भएका गाडीहरुमा धेरै मर्मत र एडजेस्टमेन्टको आवश्यकता पर्ने उल्लेख गरिएको थियो । जापानमा ढुवानी भएको बीवाईडीको कार कोरिएको र युरोपमा ढुवानी भएकोमा बांग्रिएको पाइएको रिपोर्टमा उल्लेख गरिएको छ । यस्तै अन्य प्रयोगकर्ताहरुले ब्याट्री र अन्य सामान्य असुविधाको सामना गरेको उल्लेख गरेका छन् । केहि ग्राहकले जीसीएसले गलत दिशा देखाएको, कारको वासर र वाइपर सिस्टममा समस्या देखिएको समेत बताएका छन् ।
आधुनिक ईभी कारहरु कार्य सञ्चालनहरु जस्तै ड्राईभिङ असिस्टेन्ट फिचर्स,ब्याट्री म्यानेजमेन्ट र इन्फोटेनमेन्ट फिचर्सका लागि मुख्य रुपमा सफ्टवेयरमा निर्भर रहने गर्छन । सफ्टवेयर बग र बेलाबेलामा अपडेट गरिरहनु पर्ने आवश्यकताले ग्राहकको ईभीप्रतिको धारणामा परिवर्तन ल्याउन सक्ने भएकाले यसले गाडीको विश्वसनियता र सुरक्षामा प्रश्न उब्जाउन सक्छ ।
मूल्य रणनीति
बीवाईडीले चीनबाहिर बिक्री गर्ने सवारी साधनको मूल्य तुलनात्मक रुपमा बढी छ । यसले कम्पनीको अन्य स्थापित ब्राण्डको तुलनामा कम्पनीको मूल्य प्रतिस्पर्धा क्षमतामा ह्रास आएको छ । बीवाईडीको मुख्य बजार जर्मनीमा बीवाईडीको अटो थ्रिको मूल्य ४१ हजार डलर बढी छ । यहि कारको मूल्य चीनमा भने २० हजार डलर मात्रै रहेको छ ।
यो मूल्य रणनीतिले उस्तै प्रकृतिको भोल्सवागेनको आईडी थ्रिको मूल्यको तुलनामा अटो थिको मूल्य केवल ३ प्रतिशतले मात्रै कम छ ।
बीवाईडीले मेक्सिकोमा कारखाना स्थापना गर्ने घोषण गरिसेको छ । यसका साथै कम्पनीले मेक्सिकोमा २१ हजार युनिट ईभी डल्फिन मिनीस् बिक्री गरिसकेको छ । चीनमा निर्माण भएर अमेरिकामा आयाता भएका कारमा २५ प्रतिशत कर लगाइएको छ । तर मेक्सिको अमेरिका र क्यानडाको सम्झौता अनुसार मेक्सिकोमा एसेम्बल भएको कम्पनीको कारमा भने २.५ प्रतिशत मात्रै करको व्यवस्था गरिएको छ ।
बिक्री लक्ष्य
ईभी कारको निर्माण खर्चमा कमी आएपनि विश्वभर ईभी कारको मागमा भने गिरावट आईरहेको छ । बीवाईडीका उच्च व्यवस्थापनले निर्धारण गरेको बिक्रीको लक्ष्यलाई क्षेत्रले बाँडफाँड गर्छ र बजार विेशषको अवस्था बिनै क्षेत्रगत प्रमुखहरुलाई यसको जानकारी प्रदान गर्ने गरिन्छ ।
कम्पनीको यस्तो रणनीतिले सन् २०२३ मा कम्पनीको बैठकको क्रममा विवाद उत्पन्न भएको थियो । उक्त बैठकमा एक वरिष्ठ कार्यकारीले युरोपका लागि निर्धारण गरिएको बिक्री लक्ष्य कमजोर माग र गुणस्तरमा सुधारको आवश्यकताका कारण भेट्टाउन सकिने खालको भएको बताएका थिए ।
यी र यस्ते यावत विषयले बीवाईडीलाई पश्चिमा देशहरुमा आफ्नो प्रभुत्व कायम गर्न कठिनाई भईरहेको छ । जसलाई कम्पनीले आगामी दिनमा कसरी सम्बोधन गर्छ भन्ने प्रतिक्षाको विषय बनेको छ ।
.png)
.jpg)
.gif)
(1).gif)
.gif)
