मतगणनाको सुरुवाति रुझानप्रति भारतीय लगानीकर्ता निराश, सेयर बजारमा व्यापक गिरावट

काठमाण्डौ । भारतको लोकसभा निर्वाचनको मतगणना सुरु भएसँगै सुरुवाति नतिजा आउन थालेको छ । तर भारतीय सेयरबजारले मतगणनाको सुरुवाति रुझानलाई सजिलो रुपमा ग्रहण गर्न सकिरहेको छैन ।

निर्वाचनको सुरुवाति मतपरिणाम आउन सुरु भएसँगै आज भारतको सेयर बजारमा व्यापक गिरावटका साथ कारोबारको थालनी भएको छ ।

सुरुवाति सत्रमा आज सेन्सेक्स इन्डेक्समा १७ सय अंकभन्दा बढीको गिरावट आईसकेको छ । साथै निफ्टी पनि ५ सय अंकले ओरालो लागेको छ । अघिल्लो दिन भने एक्जिट पोलको नतिजा आउनुअघि भारतको सेयर बजारमा उछाल आएको थियो ।