.gif)
(2).gif)
.jpg)
_(1).gif)
.png)
काठमाण्डो । बैंकिङ प्रणालीमा देखिएको अधिक तरलता कायमै रहेको छ । जेठ ३१ गतेसम्म बैंकिङ प्रणालीमा ६२ खर्ब ४२ अर्ब रुपैयाँ निक्षेप संकलन रहेको छ । जेठ ३० गतेसम्म भने बैंकिङ प्रणालीमा ६२ खर्ब ३५ अर्ब रुपैयाँ निक्षेप थियो । यसरी एक दिनको अन्तरालमा ७ अर्ब रुपैयाँ निक्षेप संकलन भएको छ ।
वाणिज्य बैंकहरुको निक्षेप संकलन ६ अर्ब रुपैयाँले बढेको छ । गत जेठ ३० गते ५५ खर्ब १९ अर्ब रुपैयाँ रहेको वाणिज्य बैंकहरुको निक्षेप संकलन ६ अर्बले बढेर ५५ खर्ब २५ अर्ब रुपैयाँ रहेको छ । अन्य वित्तीय संस्थाको निक्षेप संकलन पनि १ अर्ब रुपैयाँले बढेको छ । जेठ ३१ गतेसम्म अन्य वित्तीय संस्थाको निक्षेप संकलन ७ खर्ब १७ अर्ब रुपैयाँ रहेको छ ।
.gif)
निक्षेप संकलनसँगै बैंकिङ प्रणालीको कर्जा प्रवाह पनि बढेको छ । गत जेठ ३० गतेसम्म ५१ खर्ब ३१ अर्ब रुपैयाँ कर्जा प्रवाह भएकोमा जेठ ३१ गतेसम्म भने ५१ खर्ब ३३ अर्ब रुपैयाँबराबरको कर्जा प्रवाह भएको छ ।
यो अवधिमा वाणिज्य बैंकहरुको कर्जा प्रवाह पनि १ अर्ब रुपैयाँले बढ्दै ४५ खर्ब ४२ अर्ब रुपैयाँ पुगेको छ । जेठ ३१ गतेसम्म सीडी रेसियो ८०.१४ बाट घटेर ८०.०८ प्रतिशत कायम भएको छ ।
यस्तै अन्तर बैंक ब्याजदर केहि घटेको छ । अन्तर बैंक ब्याजदर २.९७ प्रतिशतबाट घटेर २.९५ प्रतिशत कायम भएको छ ।
.png)
.jpg)
.jpg)
.jpg)
(1).gif)
.gif)
