फ्रान्समा पहिलो चरणको मतपरिणाम आएसँगै सेयर बजारमा उछाल

काठमाण्डौ । फ्रान्समा पहिलो चरणको मतपरिणाम आएसँगै फ्रान्स र युरोपको सेयर बजारमा उछाल आएको छ । फा्रन्सका वर्तमान राष्ट्रपति इम्यान्ुयल म्याक्रोनले हार्ने निश्चित भएपछि सोमबार फ्रान्सको सीएसी ४० इन्डेक्स २.७ प्रतिशतले वृद्धि भएको छ ।  

यस्तै युरोपका अन्य सेयर बजारमा सामान्य वृद्धि भएको छ । म्याक्रोनले गत जुन ९ मा निर्वाचनको घोषणा गरेसँगै फ्रान्सेकली बैंकहरुको सेयरमूल्यमा व्यापक गिरावट आएको थियो । तर सोमबार बैंकको सेयरमूल्यहरुमा उछाल आएको छ । सोसाईटी जेनेरलीको सेयरमूल्य ४.३ प्रतिशत, क्रेडिट एग्रिकोल र बीएनपी परीबासको सेयरमूल्य क्रमशः ३.८ प्रतिशत र ३.४ प्रतिशतले बढेको छ ।    

आइतबार सम्पन्न भएको निर्वाचनमा अधिकांश मतदाता सहभागी भएका थिए । जसमा नेशनल र्याली पार्टीले ३३.१५ प्रतिशत मत प्राप्त गरेको छ भने न्यू पपुलर फ्रन्ट गठबन्धनले २७.९९ प्रतिशत मत प्राप्त गरेर दोस्रो स्थानमा रहेको छ । राष्ट्रपति म्याक्रोनको गठबन्धनले २०.७६ प्रतिशत मत प्राप्त गरेर तेस्रो स्थानमा खुम्चिएको छ ।