(1).gif)
(2).gif)
(3).jpg)
.png)
काठमाण्डौ । बैंकिङ प्रणालीमा ४ दिनको अन्तरालमा ३३ अर्ब रुपैयाँ निक्षेप संकलन भएको छ । नेपाल राष्ट्र बैंकले सार्वजनिक गरेको नयाँ आँकडाअनुसार असार १६ गतेसम्म बैंकिङ प्रणालीमा ६३ खर्ब ३५ अर्ब रुपैयाँ निक्षेप संकलन भएको छ ।
गत असार १२ गतेसम्म भने बैंकिङ प्रणालीमा ६३ खर्ब २ अर्ब रुपैयाँबराबरको निक्षेप संकलन रहेको थियो । यसरी ४ दिनको अवधिमा बैंकिङ प्रणालीमा ३३ अर्ब रुपैयाँ थपिएको छ । वाणिज्य बैंकहरुको निक्षेप संकलन पनि ३२ अर्ब रुपैयाँले बढ्दै ५६ खर्ब १३ अर्ब रुपैयाँ पुगेको छ । असार १२ गतेसम्म वाणिज्य बैंकहरुको निक्षेप संकलन ५५ खर्ब ८१ अर्ब रहेको थियो ।
असार १६ गतेसम्म अन्य वित्तीय संस्थाको निक्षेप संकलन पनि १ अर्बले बढेको छ । असार १२ गतेसम्म अन्य वित्तीय संस्थामा ७ खर्ब २१ अर्ब रुपैयाँबराबरको निक्षेप रहेकोमा असार १६ गतेसम्म ७ खर्ब २२ अर्ब रहेको छ । यो अवधिमा कर्जा प्रवाह पनि वृद्धि भएको छ । असार १६ गतेसम्म बैंकिङ प्रणालीबाट कुल ५१ खर्ब ४९ अर्ब रुपैयाँबराबरको कर्जा प्रवाह भएको छ । असार १२ गतेसम्म भने ५१ खर्ब ४५ अर्ब रुपैयाँबराबरको कर्जा प्रवाह भएको थियो ।
.gif)
वाणिज्य बैंकहरुको कर्जा प्रवाह ५ अर्ब रुपैयाँले बढेर ४५ खर्ब ५६ अर्ब रुपैयाँ पुगेको छ ।
असार १६ गतेसम्म सिडी रेसियोमा ७९.१८ र अन्तरबैंक ब्याजदर ३ प्रतिशत कायम भएको छ ।
.png)
(74).jpg)
.jpg)
.jpg)
