.gif)
(1).gif)
_(1).gif)
.png)
काठमाण्डौ । पाकिस्तान स्टक एक्सचेञ्ज(पीएसएक्स)मा आगलागी भएको छ । कराँचीमा रहेको पीएसएक्सको भवनको चौथो तल्लामा सोमबार ठूलो आगलागी भएको हो ।
उक्त आगलागीपश्चात सेयर कारोबार अल्पकालका लागि स्थगित गरिएको छ । उक्त भवनमा रहेका सबै ट्रेडरहरुलाई सुरक्षित रुपमा उद्धार गरिएको र हालसम्म हताहतको कुनै पनि घटना नघटेको पाकिस्तानका स्थानिय मिडियाले जनाएका छन् ।
पाकिस्तान स्कट एक्सचेञ्जका सीईओ फारुख खानले हाल आगो नियन्त्रणमा आईसकेको र कुनै पनि व्यक्ति आगोको चपेटामा नपरेको बताएका छन् । पीएसएक्सले सूचना जारी गर्दै १२.२५ सम्मका लागि कार्यालय बन्द गरिएको र कर्मचारीहरुलाई काममा फर्कन अनुमति दिइएको जनाएको छ ।
आगलागीका कारण बिहानको १०.२५ बजेबाट कारोबार बन्द भएको थियो । कराँची लगायत पाकिस्तानका विभिन्न शहरहरुमा विगत केहि समयदेखि अत्यधिक गर्मीका कारण विद्युतीय उपकरण र वाईरिङ तातेको र आगलागीका घटनाहरु देखिएको पाकिस्तानका मिडियाले बताएका छन् ।
पाकिस्तानको सेयर बजार विगत केहि समयदेखि निरन्तर वृद्धि भईरहेको छ । हालै मात्रै पीएसएक्स इन्डेक्स ८० हजार विन्दु पुगेको थियो । जुन हालसम्मकै उच्च हो । आगलागी पछि सुचारु भएको कारोबारमा पीएसएक्स इन्डेक्स ०.३ प्रतिशतले अर्थात २६० अंकले बढेको छ ।
.gif)
.png)
(1).jpg)
.jpg)
.jpg)
(1).jpg){kind=logo}
.gif)
.gif)
