.gif)
(2).gif)
.jpg)
_(1).gif)
.png)
काठमाण्डौ । विश्वासको मत लिने प्रयास असफल हुने भएपछि प्रधानमन्त्री पुष्पकमल दाहालले आजै बालुवाटारस्थित सरकारी निवास छाड्ने भएका छन् ।
प्रधानमन्त्रीको सचिवालयका अनुसार संसदमा विश्वासको मत लिने प्रक्रिया पूरा भएपछि उनी निजी निवास खुमलटार जाने भएका हुन् ।
.gif)
त्यसअघि उनले पत्रकार सम्मेलन समेत आह्वान गरेका छन् । प्रतिनिधिसभाको बैठकपछि दाहालले विशेष पत्रकार सम्मेलन गर्न लागेका हुन् ।
पत्रकार सम्मेलनमा उनले आफ्ना कार्यकालमा भएका काम सुनाउनेछन् भने कांग्रेस र एमालेबीचको सहमतिको कडा विरोध गर्नेछन् ।
सदनबाट विश्वासको मत नपाएपछि उनी पेरिसडाँडास्थित माओवादी केन्द्रको पार्टी कार्यालयमा पुग्ने र त्यहाँ पत्रकार सम्मेलन हुने जनाइएको छ ।
असार १७ गते नेपाली कांग्रेस र एमालेका बीचमा राष्ट्रिय सहमतिको सरकार बनाउने, दुईतिहाई बहुमतले संविधान संसोधन गर्ने र आलोपालो सरकार चलाउने लगायतको विषयमा समझदारी बनेसँगै प्रचण्ड नेतृत्वको सरकार अल्पमतमा परेको थियो । उनले आफू अल्पमतमा परेको १० दिनपछि विश्वासको मत लिन लागेका छन् । दुईतिहाई सांसदले उनको विरुद्धमा मतदान गर्नेछन् ।
हाल २७५ सदस्यीय प्रतिनिधिसभामा बहुमतका लागि १३८ मत चाहिन्छ, जबकि अहिलेसम्म प्रचण्डसँग माओवादी (३२), रास्वपा (२१) र एकीकृत समाजवादी (१०) गरी जम्मा ६३ मत मात्र छ । यी तीन दलबाहेक अरु कुनै पनि पार्टीले प्रचण्डको पक्षमा मतदान गर्ने भनेका छैनन् ।
.png)
.jpg)
.jpg)
.jpg)
.jpg)
(1).gif)
.gif)
