.gif)
_(1).gif)
.png)
.png)
काठमाण्डौ । संसदमा राखेको अविश्वासको मत अस्वीकृत भई सरकार ढलेपछि नेकपा माओवादी केन्द्रका अध्यक्ष पुष्पकमल दाहाल(प्रचण्ड) शितल निवास पुगेका छन् ।
राष्ट्रपति रामचन्द्र पौडेललाई भेट्न प्रचण्ड संसद भवनबाट सोझै शितल निवास गएका हुन् ।
(1).gif)
असार १८ गते पनि प्रचण्ड शितल निवासमा पुगेका थिए । त्यसबेला उनले राष्ट्रपति पौडेलसँग आफूले राजीनामा नदिने, संसद फेस गर्ने बताएका थिए । त्यस क्रममा प्रचण्डले राष्ट्रपतिसमक्ष संविधानको धारा ७६ को उपधारा ३ अनुसार सरकार गठनका लागि आह्वान गर्न आग्रह गरेका थिए । त्यसबेलाको छलफलमा राष्ट्रपति पौडेलले प्रचण्डको प्रस्तावमा ग्रिन सिग्नल दिएका स्रोतहरुले बताउने गरेका छन् । यहीकारण समेत संसदबाट विश्वासको मत फेल भएपछि प्रचण्ड शितल निवास पुगेका हुन् । प्रचण्ड हतार हतार शितल निवास पुग्नुलाई अर्थपूर्ण रुपमा हेरिएको छ ।
प्रचण्ड र सिंगो माओवादी पंक्ति एमाले अध्यक्ष केपी शर्मा ओलीको नेतृत्वमा सरकार गठन नहोस् भन्नेमा जोडबल गरिरहेका छन् । संविधानको धारा ७६ को उपधारा ३ अनुसार सरकार गठनका लागि आह्वान भए ठूलो दलको संसदीय दलको नेताको हैसियतले कांगे्रस सभापति शेरबहादुर देउवा प्रधानमन्त्री बन्नेछन् ।
प्रचण्डले आज संसदमा विश्वासको मत लिन खोजेका थिए । तर, उनको पक्षमा ६३ मत मात्र पर्यो भने दुईतिहाई सांसदले उनको प्रस्तावको विपक्षमा मतदान गरे ।
.gif)
.png)
.jpg)
.jpg)
.gif)
(1).gif)
.gif)
