बैंकिङ प्रणालीको निक्षेप ६४.५७ खर्ब, निरन्तर घट्दै सीडी रेसियो

BANKING
आईतवार, असार ३०,२०८१ 18:31:25

काठमाण्डौ । बैंकिङ प्रणालीको निक्षेप संकलन स्थिर रहेको छ । नेपाल राष्ट्र बैंकले सार्वजनिक गरेको ताजा आँकडाअनुसार असार २६ गतेसम्म बैंकिङ प्रणालीको निक्षेप ६४ खर्ब ५७ अर्ब रहेको छ । गत असार २५ गतेसम्म पनि बैंकिङ प्रणालीमा ६४ खर्ब ५७ अर्बबराबरको निक्षेप थियो ।

यो अवधिमा वाणिज्य बैंकहरुको निक्षेप संकलन भने १ अर्बले बढेको छ । कुल निक्षेपमा वाणिज्य बैंकहरुको निक्षेप ५७ खर्ब २९ अर्ब रुपैयाँ रहेको छ । असार २५ गतेसम्म वाणिज्य बैंकहरुको कुल निक्षेप ५७ खर्ब २८ अर्ब रहेको थियो ।

अन्य वित्तीय संस्थाको निक्षेप भने १ अर्बले घटेको छ । अन्य वित्तीय संस्थाको निक्षेप ७ खर्ब २९ अर्बबाट घटेर ७ खर्ब २८ अर्बमा सीमित बनेको छ । यो अवधिमा कर्जा प्रवाह भने घटेको छ । असार २६ गतेसम्म बैंकिङ प्रणालीबाट ५१ खर्ब ५० अर्बबराबरको कर्जा प्रवाह भएको छ । असार २५ गतेसम्म भने ५१ खर्ब ५६ अर्ब रुपैयाँबराबरको कर्जा प्रवाह भएको थियो ।

सीडी रेसियो निरन्तर ओरालो लागिरहेको छ । सीडी रेसियो ७७.८४ प्रतिशतबाट घटेर ७७.७५ प्रतिशत कायम भएको छ । अन्तरबैंक ब्याजदर २.९८ प्रतिशत कायम छ ।