.gif)
_(1).gif)
.jpg)
.png)
काठमाण्डौ । बैंकिङ प्रणालीको निक्षेप संकलन एकैदिन १४ अर्ब रुपैयाँले घटेको छ । नेपाल राष्ट्र बैंकले सार्वजनिक गरेको ताजा आँकडाअनुसार साउन ८ गतेसम्म बैंकिङ प्रणालीको निक्षेप ६४ खर्ब ३५ अर्ब रहेको छ । गत साउन ७ गतेसम्म भने बैंकिङ प्रणालीमा ६४ खर्ब ४९ अर्बबराबरको निक्षेप थियो ।
यो अवधिमा वाणिज्य बैंकहरुको निक्षेप संकलन पनि १३ अर्बले घटेको छ । कुल निक्षेपमा वाणिज्य बैंकहरुको निक्षेप ५७ खर्ब ३ अर्ब रुपैयाँ रहेको छ । साउन ७ गतेसम्म वाणिज्य बैंकहरुको कुल निक्षेप ५७ खर्ब १६ अर्ब रहेको थियो ।
(1).gif)
अन्य वित्तीय संस्थाको निक्षेप भने १ अर्बले घटेको छ । अन्य वित्तीय संस्थाको निक्षेप ७ खर्ब ३३ अर्बबाट घटेर ७ खर्ब ३२ अर्बमा सीमित बनेको छ । बैंक तथा वित्तीय संस्थाको कर्जा प्रवाह पनि घटेको छ । साउन ८ गतेसम्म बैंकिङ प्रणालीबाट ५१ खर्ब ३८ अर्बबराबरको कर्जा प्रवाह भएको छ । साउन ७ गतेसम्म भने बैंक तथा वित्तीय संस्थाबाट ५१ खर्ब ४१ अर्ब रुपैयाँबराबरको कर्जा प्रवाह भएको थियो ।
सीडी रेसियोमा केही सुधार आएको छ । सीडी रेसियो ७८.११ प्रतिशतबाट बढेर ७८.१५ प्रतिशत कायम भएको छ । अन्तरबैंक ब्याजदर पनि २.९७ प्रतिशतबाट बढेर ३ प्रतिशत कायम भएको छ ।
.gif)
.png)
.jpg)
.jpg)
.jpg)
.gif)
(1).gif)
.gif)
