.gif)
(2).gif)
.jpg)
_(1).gif)
.png)
काठमाण्डौ । केही कम्पनीको नामै तोकेर एक सांसदले संसदमा प्रश्न उठाएको दुई दिनपछि अर्थसमितिका सदस्य रहेका अर्का सांसदले पनि त्यस्तै शैलीलाई पछ्याएका छन् ।
सेयर बजारको विषयमा खासै जानकारी नराख्ने एकीकृत समाजवादीका सांसद मेटमणि चौधरीले केही कमजोर अवस्थाका कम्पनीको नामै तोकेर सेयर बजारमा इन्साइडर ट्रेडिङ र चलेखल भइरहेको दलिल पेश गरेका हुन् । उनले इन्साइडर ट्रेडिङकै कारण बजार अस्वभाविक रुपमा उचालिएको समेत दाबी गरे ।
.gif)
चन्द्रागिरी हिल्स, दिव्यश्वरी हाइड्रो, आँखुखोला जलविद्युत कम्पनी लगायतका कम्पनीहरुको नाम लिंदै उनले भने-'बजारमा बुक भ्यालू, नेटवर्थ धेरै नै कम हुँदा हुँदै पनि सेयर मूल्य किन बढ्यो ? वास्तविक भ्यालू एउटा र सेयरको भ्यालू किन फरक पर्न गयो ? यसलाई धितोपत्र बोर्डले हेर्नैपर्छ । चन्द्रागिरी हिल्स, दिव्यश्वरी हाइडो, आँखुखोला लगायत कमजोर भ्यालू भएका कम्पनीको सेयरमूल्य किन धेरै छ ?'
पछिल्लो समय सेयर बजारको विषयमा सबैतिर प्रश्न उठेको उल्लेख गर्दै सांसद चौधरीले बजारलाई सन्तुलित र विश्वसनीय बनाउनतर्फ सबै सरोकारवालाले ध्यान दिनुपर्नेमा जोड दिए ।
उनले 'नेपालको सेयर बजारको रियल क्यापासिटी के हो ? कतिसम्म बढ्नसक्छ ? यसलाई बढाउन सेबोनले के गर्नसक्छ ?' जस्ता प्रश्नहरु समेत राखेका थिए ।
.png)
(194).jpg)
(1).gif)
.gif)
