.gif)
(2).gif)
(14).jpg)
_(1).gif)
.png)
काठमाण्डौ । बैंकिङ प्रणालीबाट एकैदिन ५ अर्ब रुपैयाँ निक्षेप बाहिरिएको छ । नेपाल राष्ट्र बैंकले सार्वजनिक गरेको तथ्यांक अनुसार साउन २४ गतेसम्म बैंकिङ प्रणालीमा ६४ खर्ब ३२ अर्ब रुपैयाँबराबरको निक्षेप संकलन भएको छ । गत साउन २३ गतेसम्म भने बैंकिङ प्रणालीमा ६४ खर्ब ३७ अर्ब रुपैयाँबरारबको निक्षेप संकलन रहेको थियो । यसरी एक दिनको अवधिमा बैंकिङ प्रणालीको निक्षेप एकैदिन ५ अर्ब रुपैयाँले घटेको हो ।
वाणिज्य बैंकहरुको निक्षेप पनि ६ अर्ब रुपैयाँले घटेको छ । कुल निक्षेपमा वाणिज्य बैंकहरुको निक्षेप ५७ खर्ब ३ अर्ब रुपैयाँ रहेको छ । साउन २३ गतेसम्म वाणिज्य बैंकहरुको कुल निक्षेप ५७ खर्ब ९ अर्ब रहेको थियो ।
.gif)
अन्य वित्तीय संस्थाको निक्षेप भने स्थिर रहेको छ । अन्य वित्तीय संस्थाको निक्षेप ७ खर्ब २८ अर्ब रुपैयाँ रहेको छ । निक्षेप संकलन घटेता पनि कर्जा प्रवाह भने बढेको छ । साउन २४ गतेसम्म बैंकिङ प्रणालीबाट ५१ खर्ब ५६ अर्बबराबरको कर्जा प्रवाह भएको राष्ट्र बैंकले जनाएको छ । साउन २३ गतेसम्म भने बैंकिङ प्रणालीबाट ५१ खर्ब ५३ अर्बबराबरको कर्जा प्रवाह भएको थियो । यसरी एक दिनमा कर्जा प्रवाह ३ अर्बले बढेको छ ।
सीडी रेसियो ७८.६२ प्रतिशतबाट बढेर ७८.७५ प्रतिशत कायम भएको छ । अन्तरबैंक ब्याजदर भने ३ प्रतिशतबाट घटेर २.९९ प्रतिशतमा सीमित बनेको छ ।
.png)
.jpg)
.jpg)
.jpg)
(1).gif)
.gif)
