.gif)
_(1).gif)
.png)
काठमाण्डौ । यो साता सेयर बजारमा ५ दिन कारोबार भयो । ५ दिनको कारोबारमा बजार ३ दिन घट्यो भने २ दिन मात्रै बढ्यो । अघिल्लो साता २७४९.५७ विन्दुमा बन्द भएको बजार यो साता २७२७.३६ को विन्दुमा बन्द भयो । यस हिसाबले यो साता सेयर बजारमा २२.२५ अंकका गिरावट आयो । अघिल्लो साता पनि बजार २२४.८९ अंक ले घटेको थियो ।
यो साताको ५ दिन कारोबार दिनमा कुल ५९.७७ अर्बबराबरको कारोबार भयो । अघिल्लो साता भने बजारमा ६४.३६ अर्बबराबरको कारोबार भएको थियो । यस हिसाबले यो साता कारोबार पनि घट्यो । यो साता बजार पूँजीकरण ४३.३६ खर्व रुपैयाँ पुग्यो । अघिल्लो साता बजार पूँजीकरण ४३.६६ खर्ब रुपैयाँ रहेको थियो । यस हिसाबले यो साता नेप्से घट्दा बजार पूँजीकरण पनि ३० अर्बले घटेको छ । यो साता नेप्से घट्दा बजार पू्ँजीकरण र कारोबार दुबै घट्यो ।
(1).gif)
प्राविधिक पक्षः
एलिअट वेभ
एलिअट वेभमा विभिन्न डिग्रीहरु हुने गर्छन् । त्यस्ता डिग्रीहरुले साना–ठूला गरेर एक दिनदेखि एकसय वर्षसम्मको समय अवधिलाई प्रतिनिधित्व गर्छन् । एलिअट वेभमा मूल्य माथि जान पाँच फरक–फरक वेभ हुन्छन् भने तल जान ३ वेभ हुन्छन् ।
माथि लाग्ने पाँच वेभमा पनि तीनवटा बढोत्तरीका र २ वटा सुधारका देख्न सकिन्छ । यसमा १, ३, ५ बढोत्तरीको हुन्छ भने २ र ४ मा करेक्सनको हुन्छ । वेभ ५ को करेक्सन वेभ ‘ए’ हो । वेभ ‘ए’, ‘बी’, ‘सी’ले मूल्य तथा सूचक तल जाने संकेत दिन्छ ।
यो साताको बजारलाई एलिअट वेभ मार्फत नियाल्दा हामीले अघिल्लो साता भने जस्तो बजारमा एबीसी चक्र नै चलेको देखिन्छ । एबीसी चक्रमा वेभ ‘ए’ चल्दा बजार ३ हजारदेखि २६७५ सम्म आएको छ ।
अब ‘बी’ वेभ चल्दा भने बजारले २९३० सम्मको यात्रा तय गर्न सक्छ । र ‘सी’ वेभमा बजार केही करेक्सन पनि हुन सक्छ । यसरी दशैं अगाडीसम्म बजारमा यहि एबीसी चक्रमा बजारमा साइडवेज चलेर कार्तिकबाट भने नयाँ वेभको साथ बजारले अल टाइम हाइको उचाइ तर्फ गति लिन सक्छ भन्ने हाम्रो बजार अनुसन्धान र एलिअट वेभको आधारमा विश्लेषण रहेको छ ।
बोेलिङ्गर ब्याण्ड म्याक्डी र आरएसआई
डेली बेसमा बोलिङ्गर ब्याण्डको आधारमा यो साता बजार मध्य ब्याण्डमा भन्दा तल चलेको छ । म्याक्डीमा भने यस अघिनै वियरिस क्रसओभर बनेको छ । हिस्टोग्राम भने बोल्ड र केही समानान्तर नै बनेका छन् । आरएसआई न्यूट्रल जोनमा नै चलेको छ । मनी फ्लो इन्डेक्स भने ९३ को तहबाट खसेर हाल ४१ को विन्दुमा पुगेको छ । यसले कारोबार तथा भोल्युम भने घट्दै गरेको बुझिन्छ ।
पिभट् प्वइन्टः
पिभट् विश्लेषणमार्फत सेयर तथा डेरिभेटिभको अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।
बढेमा प्रतिरोध
प्रतिरोध ३ – ३१७९
प्रतिरोध २ – ३०८४
प्रतिरोध १– २९१२
पिभट् प्वइन्टः २८२४
घटेमा सपोर्ट
सपोर्ट १– २६५४
सपोर्ट २– २५६०
सपोर्ट ३ – २३९२
निष्कर्षः यो साता समेत गरी बजारमा लगातार ३ सातासम्म करेक्सन आयो । अघिल्लो साता २२५ अंकले घटेको बजारमा यो साता २२ अंकले मात्रै करेक्सन आयो । यस हिसाबले बजारमा अघिल्लो साताको तुलानमा घट्ने क्रम रोकिएको छ । पछिल्लो पटकको उच्च विन्दु ३ हजारबाट नेप्से करिब ३ सय अंक अर्थात १० प्रतिशत मात्रै घटेको छ । यो भनेको बुल भित्रकै पुल ब्याक हो ।
सामान्यतय नेपालको बुल डेढ वर्षसम्म चल्ने भएको कारण पनि अहिले नै बुुल सकिने कुनै सम्भावना छैन । बजारमा फेलिएको अफवाह जस्तो अहिले नै नेप्सेको बुल सकिएको अवस्था भने छैन । हाल कारोबार तथा भोल्युम भने क्रमशःघट्दै गएको छ । यो भनेको बजार साइडवेज चलेको भन्ने हो । यस हिसाबले बजार दशैं अगाडी साइडवेज चलेर पुनः नयाँ उचाई तर्फ लम्किने हाम्रो विश्लेषण हो ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।
.png)
.jpg)
.jpg)
.jpg)
.gif)
(1).gif)
.gif)
