२७८० विन्दुमा प्रतिरोध सामना गरेको बजारको अबको सम्भावना कस्तो ?

STOCK MARKET
सोमबार, कार्तिक २६,२०८१ 18:23:40

काठमाण्डौ । दिनभर उतारचढावपूर्ण रहेको सेयर बजारले आज इन्ट्रा डेमा पटक–पटक यसअघिको २ हजार ७८० विन्दुमा प्रतिरोध सामना गरेको छ । इन्ट्राडेमा नै केही समय घटेको बजार अन्त्यमा २२ अंकले सकरात्मक बनेको छ ।

आज बजार बढ्दा कारोबार पनि बढेको छ । यो भनेको बजार बुल नै रहेको संकेत हो । आज बजारमा बोलिङ्गरको अपर ब्याण्डमा माथि लामो धागो सहितको क्याण्डल बनेको छ । यसले आज बजारमा केही नाफा बुक चलेको र आगामी कारोबारमा पनि चल्न सक्ने संकेत गर्छ । म्याक्डीमा बुलिस क्रसओभर नै छ । हिस्टोग्राम सकारात्मक र लामा–लामा हुँदै गरेका छन् ।

आरएसआई ६० भन्दा माथि बन्द भएको छ । समग्रमा तीन वटै इन्डिकेटरबाट नियाल्दा बजार अप ट्रेन्डमा नै चलेको छ । आज २ हजार ७६० विन्दुमा बन्द भएको बजारले आगामी कारोबार पनि २ हजार ७८० विन्दुमा नै संघर्ष गर्न सक्छ । यदि त्यहाँबाट बजार माथि लागेमा भने बजारले २ हजार ८८० विन्दुमा प्रतिरोध सामना गर्न सक्छ । यद्यपी आज बजार बढ्दा कारोबार पनि बढेका कारण आगामी कारोबारमा पनि बजारले सकारात्मक लय लिन सक्छ ।

नोटः सेयर बजारमा लगानी जोखिमपूर्ण हुन्छ । यो बिश्लेषण काराबारका लाग सिफारिस भने होइन ।