बस्तु व्यापारको क्षेत्रमा सबैभन्दा ठूलो करदाता भाटभटेनीलाई सरकारको सम्मान

काठमाण्डौ । भाटभटेनी सुपर मार्केट एण्ड डिपार्टमेन्टल स्टोर धेरै कर तिर्ने करदाताको रुपमा सरकारबाट सम्मानित भएको छ ।  

वस्तु व्यापारको क्षेत्रमा आर्थिक वर्ष २०७९/८० मा सबैभन्दा बढी कर तिरेबापत भाटभटेनीलाई सरकारले सम्मान गरेको हो । 

राष्ट्रिय कर दिवसको अवसरमा शनिवार आन्तरिक राजश्व विभागले आयोजना गरेको एक विशेष समारोहका बीच अर्थमन्त्री विष्णुप्रसाद पौडेलले भाटभटेनीका संस्थापक, अध्यक्ष तथा प्रबन्ध निर्देशक मीनबहादुर गुरूङलाई सम्मान गरेका हुन् ।

अघिल्लो आर्थिक वर्ष पनि वस्तु तथा व्यापारको क्षेत्रमा सबैभन्दा बढी कर तिर्ने करदाताको रुपमा भाटभटेनी सम्मानित भएको थियो ।