सरकारद्वारा बीआरआई फ्रेमवर्क दस्तावेजको पूर्णपाठ सार्वजनिक

ECONOMY& POLITICS
मंगलवार, मंसिर २५,२०८१ 16:59:20

काठमाण्डौ । प्रधानमनत्री केपी शर्मा ओलीको औपचारिक चीन भ्रमणका बेला गत बेइजिङमा सम्पन्न बीआरआई सहकार्य फ्रेमवर्क सम्झौताको पूर्णपाठ सार्वजनिक भएको छ । उक्त सम्झौताको पूर्णपाट मंगलबार परराष्ट्र मन्त्रालयले आफ्नो आधिकारिक वेबसाइटमार्फत सार्वजनिक गरेको हो ।

यसमा १० वटा परियोजनाहरु समावेश गरिएका छन् । जसमा टोखा–छहरे सुरुङमार्ग, हिल्सा–सिमिकोट सडक परियोजना, किमाथांका–खाँदबारी सडक र किमाथांका पुल तथा आईसपी परियोजना, चीन–नेपाल क्रस बोर्डर रेलवे परियोजना (नेपालतर्फ) जिलोङ–रसुवागढी चिलिमे २२० केभी क्रस बोर्डर पावर ट्रान्समिसन लाइन, मदन भण्डारी विश्वविद्यालाय,र अमरगढी सिटी हल परियोजना रहेका छन् ।

त्यस्तै, काठमाण्डौ साइन्टिफिक सेन्टर र साइन्स म्युजियम, चीन–नेपाल मैत्री औद्योगिक पार्क र झापा स्पोर्ट्स एन्ड एथ्लेटिक्स कम्प्लेक्स रहेका छन् ।

केही समयअघि नेपाल भ्रमणमा आएका अमेरिकी सहायक विदेशमन्त्री डोनाल्ड लुले स्वदेश फर्कनुअघि बीआरआईका बारेमा अभिव्यक्ति दिएको भोलिपल्ट सरकारले दस्तावेज सार्वजनिक गरेको हो । विदेशमन्त्री डोनाल्ड लुले फ्रेमवर्कको दस्तावेज आफूले पढ्न नपाएको र त्यो पारदर्शी हुने अपेक्षा गरेको बताएका थिए ।