आज काठमाण्डौका यी स्थानमा बिजुली काटिदै

काठमाण्डौ । आज काठमाण्डौको विभिन्न स्थानमा विद्युत आपूर्तिमा अवरोध उत्पन्न हुने भएको छ । नेपाल विद्युत् प्राधिकरणले आज महाराजगञ्ज वितरण केन्द्रअन्तर्गतको लाजिम्पाट फिडरमा पर्ने लाजिम्पाट, पानीपोखरी र बालुवाटार क्षेत्रमा विद्युत कटौती गर्न लागेको हो ।  

प्राधिकरणले एक सूचना जारी गर्दै यसबारे जानकारी दिएको हो । अजअन्तर्गत यी क्षेत्रमा आज बिहान १० देखि दिउँसो १५ बजेसम्म लाइन काटिने छ । यी स्थानमा भूमिगत प्रसारण लाइनको केवल परीक्षण एवं चार्ज गर्ने प्रयोजनका लागि लाइन काटिन लागेको प्राधिकरणद्वारा सूचनामा उल्लेख छ ।  

तोकिएको कार्य समयअगावै पूरा भएमा निर्धारित अवधिअगावै बिजुली प्रवाह हुने उल्लेख गर्दै प्राधिकरणले ग्राहकमा पर्न गएको असुविधाप्रति क्षमासमेत मागेको छ ।