मुकेश अम्बानीका सम्धीहरु पनि छैनन् सम्पत्तिको मामिलामा कम,सबैभन्दा धनी को ?

काठमाण्डौ । एशियाका सबैभन्दा धनी व्यक्ति तथा भारतको सबैभन्दा मूल्यवान कम्पनीका रिलायन्स इन्डस्ट्रिजका अध्यक्ष मुकेश अम्बानीका कान्छा छोराको तीनदिने प्रि–वेईडिङ समारोह तामझामका साथ सम्पन्न भएको छ ।  

उनका छोरा अनन्त अम्बानीे राधिका मर्चेन्टसँग आगामी जुलाइ १२ मा विवाह बन्धनमा बाधिन गईरहेका छन् । मुकेश अम्बानीका हुनेवाला तेस्रा सम्धी तथा राधिका मर्चेन्टका बुवा पनि सम्पत्तिको मामिलामा कम छैनन ।  

मुकेश अम्बानी सम्धी वीरेन मर्चेन्ट पनि भारतका धनाढ्यमध्येका एक हुन् । वीरेन मर्चेन्ट हेल्थकेयर कम्पनी इनकोरका सीईओ हुन् । उनको कुल सम्पत्ति करीब ७५५ करोड भारु छ । क्लासिक डान्सरको रुपमा पहिचान बनाएकी राधिका मर्चेन्ट पनि आफ््नो बुवाको कारोबारमा सहयोग गर्ने गर्छिन ।  

मुकेश अम्बानीका अन्य दुई जना सम्धीहरुसँग पनि सम्पत्तिको कुनै कमी छनै । अम्बानीकी छोरी ईशा अम्बानीका सुसुरा अजय पीरामलको कम्पनी पीरामल ग्रुप भारतको सबैभन्दा ठूलो कर्पोरेट घरानामध्ये एक हो । पीरामल इन्टरप्राइजेज फर्मा,हेल्थकेयर तथा वित्तीय सेवासँग सम्बन्धीत छ । पीरामल को सञ्चालक समितिमा अजय पीरामलका साथै उनकी श्रीमती स्वामी पीरामल उपाध्यक्ष छिन् । यसका साथै छोरी नन्दिनी र छोरा आनन्द पीरामल(ईशाका श्रीमान) पनि सञ्चालक समितिमा छन् । फोब्र्सका अनुसार अजय पीरामलको कुल सम्पत्ति ३.२५ अर्ब डलर छ ।  

यस्तै मुकेश अम्बानीका जेठा छोराको ससुरा अरुण रसेल मेहता पनि धनको मामिलामा कम छैनन् । रसेल मेहता भारतका ठूला हिरा व्यापारी हुन् र विश्वका कयौं देशमा उनको कारोबार फैलिएको छ ।  

मेहता रोजी ब्लू कम्पनीका एमडी हुन् । जो विश्वको शीर्ष डाइमन्ड कम्पनीको रुपमा परिचित छ । यो कम्पनीको भारतका २६ शहरमा ३६ वटा स्टोर छन् । यसका साथै कम्पनीले विश्वका १२ देशमा कारोबार गर्ने गर्छ । बिजनेश ट्डेका अनुसार अरुण रसेलको कुल अनमानित सम्पत्ति ३ हजार करोड भारु छ ।  

मुकेश अम्बानीको कुल सम्पत्ति भने १०४ अर्ब डलर रहेको छ । उनी विश्वको ११ औं धनी व्यक्ति हुन् भने एशियाको पहिलो ।  -एजेन्सी